ធ្លាក់កូដក្នុងស្រុកមែនពិត តែ Fan Bingbing ត្រូវប៉ាន់ទីផ្សារអន្តរជាតិ
- 2020-04-27 03:20:00
- ចំនួនមតិ 0 | ចំនួនចែករំលែក 0
ធ្លាក់កូដក្នុងស្រុកមែនពិត តែ Fan Bingbing ត្រូវប៉ាន់ទីផ្សារអន្តរជាតិ
ចន្លោះមិនឃើញ
កម្រងរូបភាពផ្សព្វផ្សាយផលិតផលដែលមានកំពូលតារាសម្ដែងស្រីចិន Fan Bingbing ជាអ្នកតំណាង ត្រូវបានដាក់តាំងនៅផ្លូវរថភ្លើងក្រោមដីដ៏ធំនៅប្រទេសជប៉ុន។
អ្នកប្រើប្រាស់បណ្ដាញសង្គម Weibo បានបង្ហោះកម្រងរូបភាពផ្ទាំងប៉ាណូផ្សព្វផ្សាយរបស់តារាសម្ដែងស្រីជើងចាស់ចិន Fan Bingbing ត្រូវបានគេលើកតាំងនៅរថភ្លើងក្រោមដី Shinjuku ទីក្រុងតូក្យូ ប្រទេសជប៉ុន។ តាមនោះដែរ នេះគឺជាកម្រងរូបភាពថ្មីរបស់ស្រីស្អាតវ័យ៣៩ឆ្នាំសម្រាប់ទស្សនាវដ្ដីល្បីឈ្មោះមួយដែលនឹងចេញផ្សាយនៅខែ មិថុនាខាងមុខនេះ។
បង្ហាញខ្លួនលើគ្របទស្សនាវដ្ដីនេះ តួរឿង មហិច្ឆិតាអ៊ូម៉ីនាង ត្រូវបានគេលើកតម្កើងថាជា អ្នកម្នាងសម័យទំនើប ដោយសារសម្រស់មិនចេះសាបសូន្យរបស់ខ្លួន។ ផ្ទាំងប៉ាណូធំៗទាំងនេះ ត្រូវបានផ្សព្វផ្សាយដោយប្រើ៣ភាសា នោះគឺចិន ជប៉ុន និងអង់គ្លេស។
វត្តមានរបស់តារាស្រីត្រកូល Fan ត្រូវបានគេសន្និដ្ឋានថា ទោះបីជាកេរ្តិ៍ឈ្មោះក្នុងស្រុកមិនទាន់យកបានវិញទាំងស្រុង ក្រោយរឿងអាស្រូវគេចពន្ធរាប់រយលានដុល្លារក៏ដោយ តែនៅទីផ្សារអន្តរជាតិ នាងហាក់ដូចជាមិនត្រូវប៉ះពាល់ប៉ុន្មានឡើយ ដ្បិតមុនពេលចេញមុខលើទស្សនាវដ្ដីជប៉ុន Fan Bingbing បានមានវត្តមានគ្របមុខនៅទស្សនាវដ្ដីវៀតណាម សិង្ហបុរី និងរុស្សីជាបន្តបន្ទាប់៕
អានបន្ត៖ Yang Mi គឺជាតារាស្រីតែមួយគត់ដែលជាប់ក្នុងតារាងកំពូលតារាដែលមានភ្នែកស្អាតជាងគេ