រាជរដ្ឋាភិបាលអនុញ្ញាតឱ្យពលរដ្ឋខ្មែរ ២០០នាក់នៅម៉ាឡេស៊ីវិលមកវិញ តែត្រូវធ្វើរឿងនេះសិន
- 2020-04-27 10:23:08
- ចំនួនមតិ 0 | ចំនួនចែករំលែក 0
រាជរដ្ឋាភិបាលអនុញ្ញាតឱ្យពលរដ្ឋខ្មែរ ២០០នាក់នៅម៉ាឡេស៊ីវិលមកវិញ តែត្រូវធ្វើរឿងនេះសិន
ចន្លោះមិនឃើញ
សម្តេច ហ៊ុន សែន បានឱ្យដឹងថា នៅពេលនេះបម្រាមការធ្វើដមណើរក្នុងប្រទេសត្រូវបានលើក ដូច្នេះរាជរដ្ឋាភិបាលកម្ពុជា បានសម្រេចឱ្យពលករខ្មែរជាង ២០០នាក់នៅម៉ាឡេស៊ី អាចវិលត្រឡប់មកកម្ពុជាវិញ។ ប៉ុន្តែសម្តេចស្នើឱ្យទុកពេលវេលាជាមុនសិន ដើម្បីឱ្យខាងអាជ្ញាធរម៉ាឡេស៊ី ធ្វើតេស្តសុខភាពសិន ដើម្បីបញ្ជាក់ថា គ្មានជំងឺកូវីដ១៩។
សម្តេចបានបង្ហោះនៅលើទំព័រហ្វេសប៊ុកនាល្ងាចថ្ងៃទី២៧ ខែមេសានេះយ៉ាងដូច្នេះថា៖
សូមកូនក្មួយកុំបារម្ភអ្វី ប្រសិនបើកូនក្មួយគ្មានជំងឺឆ្លងកូវីដ-១៩ទេ គឺកូនក្មួយអាចវិលត្រឡប់មកកម្ពុជាវិញបានក្នុងពេលឆាប់ៗនេះ។ ផ្ទុយពីនេះ បើខាងម៉ាឡេស៊ីពិនិត្យឃើញមានកូវីដ-១៩ទៅលើកូនក្មួយណា គឺត្រូវនៅសម្រាកព្យាបាលនៅទីនោះសិនរហូតដល់ជាសះស្បើយទើបអនុញ្ញាតឱ្យត្រឡប់មកកម្ពុជាវិញ។
ចំពោះកូនក្មួយដែលនឹងមកដល់កម្ពុជាវិញ គឺត្រូវធ្វើចត្តាឡីស័ក១៤ថ្ងៃ (រស់នៅដាច់ដោយឡែក) សិន ដើម្បីតាមដានសុខភាពជាបន្ត ហើយក៏មានការធ្វើចត្តាឡីស័ក១៤ថ្ងៃទៀតនៅតាមផ្ទះផងដែរ៕