ផ្លូវអាស៊ានហាយវេលេខ១ ពីព្រែកក្តាម ទៅប៉ោយប៉ែត សម្រេចបានប៉ុន្មានភាគរយហើយ?
- 2020-04-29 02:42:09
- ចំនួនមតិ 0 | ចំនួនចែករំលែក 0
ផ្លូវអាស៊ានហាយវេលេខ១ ពីព្រែកក្តាម ទៅប៉ោយប៉ែត សម្រេចបានប៉ុន្មានភាគរយហើយ?
ចន្លោះមិនឃើញ
ក្រសួងសាធារណការ និងដឹកជញ្ជូន បានឱ្យដឹងថា គិតត្រឹមថ្ងៃទី២៤ ខែមេសា ឆ្នាំ២០២០ គម្រោងធ្វើឱ្យប្រសើរឡើងផ្លូវជាតិលេខ៥ (ផ្លូវអាស៊ានហាយវេលេខ១) ភាគខាងជើងសម្រេចបាន ៨០,០២%, ភាគកណ្ដាលសម្រេចបាន ១៤,៩០% និងភាគខាងត្បូងសម្រេចបាន ២៣,៩០%។
គម្រោងធ្វើឱ្យប្រសើរឡើងផ្លូវជាតិលេខ៥ មានប្រវែងសរុបចំនួន ៣៦៦ គីឡូម៉ែត្រ ស្ថិតក្នុងខេត្តកណ្តាល កំពង់ឆ្នាំង ពោធិ៍សាត់ បាត់ដំបង និងបន្ទាយមានជ័យ ជាគម្រោងក្រោមកម្ចីឥណទានសម្បទានពីរដ្ឋាភិបាលជប៉ុន តាមរយៈទីភ្នាក់ងារសហប្រតិបត្តិការអន្តរជាតិជប៉ុនប្រចាំកម្ពុជា។ ការងារស្ថាបនាត្រូវបានបែងចែក ជាបីផ្នែក ធំៗរួមមាន៖ ផ្នែកខាងជើង ផ្នែកកណ្តាល និងផ្នែកខាងត្បូង ដោយមានការពង្រីកកំណាត់ផ្លូវជាតិមានស្រាប់ពី២គន្លងទៅ៤គន្លង ទទឹង២៣ម៉ែត្រ ជាប្រភេទផ្លូវបេតុងកៅស៊ូ (AC) និងមានសួនច្បារចំកណ្តាល។
១. ភាគខាងជើង (ពីក្រុងបាត់ដំបង-ក្រុងសិរីសោភ័ណ) កំណាត់ផ្លូវមានប្រវែងសរុប ៨៤,៧៤គ.ម។ ក្នុងនោះ ផ្លូវមេមានប្រវែង ៥១,៤៨គ.ម និងផ្លូវវាងក្រុងបាត់ដំបង មានប្រវែង ២៣,៩២គ.ម និងផ្លូវវាងក្រុងសិរីសោភ័ណ មានប្រវែង ៩,៣៤គ.ម។
២. ភាគខាងត្បូង (ពីស្ពានព្រែកក្តាម-ធ្លាម្អម ខេត្តពោធិ៍សាត់) កំណាត់ផ្លូវមានប្រវែងសរុប ១៣៥,២៤ គ.ម។ ក្នុងនោះ ផ្លូវមេមានប្រវែង ១១៧,៩៧គ.ម និងផ្លូវវាង ២ខ្សែគឺ ផ្លូវវាងក្រុងឧត្តុង្គ មានប្រវែង ៥,២គ.ម និងផ្លូវវាងក្រុងកំពង់ឆ្នាំង មានប្រវែង ១២,០៧គ.ម។
៣. ភាគកណ្តាល (ពីធ្លាម្អម ខេត្តពោធិ៍សាត់-ក្រុងបាត់ដំបង និងពីក្រុងសិរីសោភ័ណ-ក្រុងប៉ោយប៉ែត) កំណាត់ផ្លូវមានប្រវែងសរុប ១៤៦,០៤ គ.ម ក្នុងនោះ ពីធ្លាម្អម ខេត្តពោធិ៍សាត់ ទៅក្រុងបាត់ដំបង មានប្រវែង ៩៩,២១គ.ម ជាផ្លូវ៤គន្លង, ផ្លូវវាងក្រុងពោធិ៍សាត់ ១១,៦៩គ.ម និងកំណាត់ផ្លូវពីក្រុងសិរីសោភ័ណ ទៅក្រុងប៉ោយប៉ែត មានប្រវែង ៣៥,១៤គ.ម៕
រូបថត៖ ក្រសួងសាធារណការ និងដឹកជញ្ជូន
ទទួលបានព័ត៌មានថ្មីៗ លឿនរហ័សទាន់ចិត្ត កុំភ្លេចទាញយក App Kley Kley ឥឡូវនេះ
-Android: play.google.com
-iOS: apps.apple.com/us/app