អតីតគ្រូ Spurs៖ "ខ្ញុំចង់ឈ្នះពានជាមួយក្រុមមាន់ខ្នាយមាស មុននឹងស្លាប់"

2020-04-30 04:11:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Pochettino បាននិយាយនៅក្នុងវីដេអូ Live មួយដោយបង្ហើបថា លោកសង្ឃឹមថា ទៅថ្ងៃមុខអាចមានឱកាសដឹកនាំក្រុម Spurs បានម្ដងទៀតដើម្បីសម្រេចគោលដៅលើកពានរង្វាន់ជាមួយក្លឹបមួយនេះ មុននឹងលោកស្លាប់។

Pochettino អបអរជាមួយកីឡាករពេលនៅវគ្គ Semi-final UCL 2019

អ្នកចាត់ការសញ្ជាតិអាហ្សង់ទីនរូបនេះ នៅតែបន្តសរសើរថា ក្លឹបមានមូលដ្ឋាននៅទីក្រុងឡុងដ៏មួយនេះពិសេស ហើយចង់បន្តការងារនៅទីនោះ។

លោកធ្លាប់បានចំណាយពេលជាង ៥ ឆ្នាំជាមួយក្រុមរហស្សនាម មាន់ខ្នាយមាស បានសាងស្នាដៃដ៏លេចធ្លោជាមួយនឹងរបៀបដឹកនាំក្រុមប្លែកពីគេ បើទោះជាមិនចំណាយលុយច្រើនដូចក្លឹបផ្សេងៗ តែនៅមានឱកាសប្រជែងពាននានា ជាមួយកីឡាករវ័យក្មេងមានទេពកោសល្យ អាចជួយក្រុមមានឱកាសលេងពានទ្វីបអឺរ៉ុប និងឡើងដល់វគ្គផ្ដាច់ព្រ័ត្រ UEFA Champions League ២០១៩។

តែលោកនៅមិនទាន់ជួយ Spurs ឈ្នះពានអ្វីមួយឡើយ ហើយត្រូវបានម្ចាស់ក្លឹបបញ្ឈប់ពីតួនាទី ក្រោយដឹកនាំក្រុមឈរនៅចំណាត់ថ្នាក់ពាក់កណ្ដាលតារាង ២០១៩-២០២០ ដោយយកលោក Jose Mourinho ទៅជំនួសវិញ។

អ្នកចាត់ការវ័យ ៣៨ ឆ្នាំរូបនេះបច្ចុប្បន្នទំនេរពីការងារបាល់ទាត់ហើយកំពុងត្រូវ Newcastle កំពុងទាក់ទង ដើម្បីឲ្យក្លាយជាអ្នកចាត់ការមានប្រាក់ឈ្នួលខ្ពស់មួយរូបផងដែរ៕

ប្រភព៖ Goal ប្រែសម្រួល៖ រក្សា