តារា K-Pop ២រូប ធ្លាប់សារភាពពីរឿងអត់ចូលចិត្តពាក់អាវទ្រនាប់

2020-05-11 01:25:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Sulli និង Hwasa គឺជាតារា K-Pop ដែលហ៊ានលាតត្រដាងអំពីការពិតដែលខ្លួនមិនចូលចិត្តពាក់អាវក្នុង ហើយបានជុំវិញឲ្យអ្នកដទៃចេះទទួលស្គាល់ការពិត និងធ្វើអ្វីដែលខ្លួនឯងពេញចិត្ត។ ដោយសារតែកូរ៉េជាប្រទេសអភិរក្សមួយនឹងគេដែរ តារាស្រីទាំង២រូបធ្លាប់ត្រូវបណ្ដាសារព័ត៌មានមួយចំនួន ក៏ដូចជាអ្នកប្រើប្រាស់បណ្ដាញសង្គមរិះគន់យ៉ាងចាស់ដៃ។ យ៉ាងណាមិញ ក៏មានក្រុមអ្នកគាំទ្រនឹងគំនិតរបស់ពួកនាងផងដែរ។

Sulli

[មុនទទួលមរណភាព](https://news.sabay.com.kh/article/1169526) Sulli គឺជានារីម្នាក់ក្លាហាន ហើយពង្រឹងចំហបំបែកគំនិតអភិរក្សនិយមដែលស្ត្រីគ្រប់រូបត្រូវតែពាក់អាវក្នុងជាដាច់ខាត។ មានម្ដងនោះ Sulli ធ្លាប់ឡើងកម្មវិធីទូរទស្សន៍មួយ ហើយរៀបរាប់ថា ការដោះអាវទ្រនាប់ចេញគឺជាសេរីភាពមួយ ហើយជារឿងដែលមានផាសុខភាព។ នាងបានបន្តថា អាវទ្រនាប់មានខ្សែរឹប មិនល្អចំពោះសុខភាពឡើយ និងគ្មានលក្ខណៈស្រស់ស្អាតតាមបែបធម្មជាតិនោះទេ។ សម្រាប់ Sulli អាវទ្រនាប់ប្រដូចទៅនឹងគ្រឿងលម្អបន្ថែមប៉ុណ្ណោះ អាស្រ័យទៅលើម៉ូដសម្លៀកបំពាក់ ដោយឈុតខ្លះត្រូវការវាដើម្បីមើលទៅឲ្យស្អាតសមសួន ខ្លះទៀតគឺមិនចាំបាច់ពាក់នោះឡើយ។

Sulli

ចំណែកឯ Hwasa សមាជិកក្រុម MAMAMOO វិញ ក៏ធ្លាប់ត្រូវគេប្រមាញ់រូបថតបាន ដោយគ្មានអាវក្នុងផងដែរ កាលពីអំឡុងពេលវិលត្រឡប់មកពីសម្ដែងក្រៅប្រទេសនាឆ្នាំ២០១៧កន្លងទៅ។ ជាការបកស្រាយទៅនឹងពាក្យគេរិះគន់ តារាចម្រៀងរូបនេះបានឆ្លើយតបយ៉ាងខ្លីថា ការដែលមិនពាក់អាវក្នុងគឺជារឿងដែលនាងមានអារម្មណ៍ថាស្រួលខ្លួន និងមានភាពងាយស្រួល៕