ដឹងពេលវេលាដែលចិនបាញ់បង្ហោះយានអវកាសទៅភពអង្គារលើកដំបូងក្នុងប្រវត្តិសាស្រ្តហើយ
- 2020-05-26 02:27:16
- ចំនួនមតិ 0 | ចំនួនចែករំលែក 0
ដឹងពេលវេលាដែលចិនបាញ់បង្ហោះយានអវកាសទៅភពអង្គារលើកដំបូងក្នុងប្រវត្តិសាស្រ្តហើយ
ចន្លោះមិនឃើញ
ចិន នឹងបាញ់បង្ហោះយានអវកាសទៅភពអង្គារជាលើកដំបូងក្នុងប្រវត្តិសាស្រ្ត នាខែកក្កដា ឆ្នាំ២០២០ ខាងមុខនេះហើយ។ នេះបើតាមការប្រកាសរបស់ក្រុមហ៊ុន China Aerospace Science and Technology Corporation (CASC) ដែលទទួលខុសត្រូវលើគម្រោងនេះ កាលពីថ្ងៃទី២៤ ខែឧសភា ឆ្នាំ២០២០។
យានអវកាសដែលនឹងបញ្ជូនទៅភពអង្គារ មានឈ្មោះថា «Tianwen» ដែលត្រូវចំណាយពេលរាប់ខែ ខណៈពីផែនដី ទៅភពអង្គារ មានចម្ងាយប្រហែល ៥៥លានគីឡូម៉ែត្រ។ វានឹងត្រូវដាក់នៅលើគន្លងភពអង្គារ ហើយទម្លាក់យាន rover ចុះចតលើភព ដើម្បីរុករក និងវិភាគផ្ទៃដី។
គួររំលឹកថា ចិនបានទទួលជោគជ័យរួចមកហើយក្នុងការក្លាយជាប្រទេសដំបូងគេដែលដាក់យានចុះចតនៅផ្នែកម្ខាងងងឹតនៃភពព្រះចន្ទ កាលពីខែមករា ឆ្នាំ២០១៩៕