ចង់លេងទៅលេងជប៉ុន កុំច្រឡំថា បានលុយមកវិញពាក់កណ្តាលនៃការចំណាយសរុប
- 2020-05-28 03:03:45
- ចំនួនមតិ 0 | ចំនួនចែករំលែក 0
ចង់លេងទៅលេងជប៉ុន កុំច្រឡំថា បានលុយមកវិញពាក់កណ្តាលនៃការចំណាយសរុប
ចន្លោះមិនឃើញ
ភ្នាក់ងារទេសចរណ៍ជប៉ុន កាលពីថ្ងៃទី២៧ ខែឧសភា ឆ្នាំ២០២០ បានប្រកាសច្រានចោលពាក្យចចាមអារ៉ាមដែលថា ប្រទេសជប៉ុន គ្រោងបង្កើតយុទ្ធនាការផ្តល់លុយឱ្យអ្នកទេសចរបរទេសពាកក់កណ្តាលវិញ នៃការចំណាយសរុប ដើម្បីជំរុញវិស័យនេះឡើងវិញ ក្រោយវិបត្តិកូវីដ១៩។
ភ្នាក់ងារនេះបញ្ជាក់ថា យុទ្ធនាការ «Go to Travel» នេះកំពុងស្ថិតក្រោមការពិចារណានៅឡើយ ហើយបើលេចចេញជារូបរាងមែន គឺសម្រាប់តែមួយផ្នែកនៃការចំណាយធ្វើដំណើរក្នុងស្រុកតែប៉ុណ្ណោះ។
យោងតាមរបាយការណ៍ថវិកាឆ្នាំ២០២០ ដែលចេញផ្សាយដោយក្រសួងសេដ្ឋកិច្ចជប៉ុន គឺបានលើកឡើងនូវផែនការជំរុញទេសចរ ដោយផ្តល់ប្រាក់ ២ម៉ឺនយ៉េន ឱ្យអ្នកដំណើរ។
ប្រព័ន្ធផ្សព្វផ្សាយជប៉ុន បានដកស្រង់សម្តីលោក Hiroshi Tabata ប្រធានភ្នាក់ងារទេសចរណ៍ជប៉ុន កាលពីសប្តាហ៍មុនឱ្យដឹងថា ប្រសិនបើវីរុសកូវីដ១៩ ត្រូវគ្រប់គ្រងបាន ពួកគេនឹងចាប់ផ្តើមយុទ្ធនាការ «Go To Travel» នៅក្នុងខែកក្កដាខាងមុខនេះតែម្តង៕