វិធីពិសេសរបស់ Rain ហាត់ប្រាណ១ថ្ងៃតែ៤នាទី អាចសម្រកទម្ងន់បានយ៉ាងងាយ
- 2020-06-03 02:39:06
- ចំនួនមតិ 0 | ចំនួនចែករំលែក 0
វិធីពិសេសរបស់ Rain ហាត់ប្រាណ១ថ្ងៃតែ៤នាទី អាចសម្រកទម្ងន់បានយ៉ាងងាយ
ចន្លោះមិនឃើញ
ត្បិតអាយុជិត៤០ឆ្នាំក៏ដោយ តារាចម្រៀង Rain នៅតែអាចបង្អួតពីរូបរាងកាយដ៏ស្រស់សង្ហារអមជាមួយនឹងសាច់ដុំ៦កង់ ដូចកាលពីលោកនៅមានវ័យល្បាក់២០ឆ្នាំអ៊ីចឹងដែរ។
ក្រុមអ្នកគាំទ្រ បានពោលពាក្យកោតសរសើរពីការថែរក្សាសម្រស់របស់ Rain ហើយខ្លះក៏បានចោទជាចម្ងល់ចង់ដឹងពីរបៀបដែលបុរសមានកូន២រូបនេះធ្វើលំហាត់ប្រាណរាងកាយប្រចាំថ្ងៃ។ ដោយមិនលាក់បាំង Rain បានបញ្ចេញជាវីដេអូមួយ បង្ហើបពីវិធីសាស្ត្រដែលលោកតែងធ្វើ នៅរាល់ពេលចង់បញ្ចុះទម្ងន់។ គន្លឹះនេះ បានបង្ហាត់ពីវិធីហាត់ប្រាណប្រើពេលតិចបំផុតត្រឹម ៤នាទីក្នុង១ថ្ងៃ ហើយវាអាចជួយឲ្យ Rain សម្រកទម្ងន់បាន ១០គីឡូក្រាមក្នុងរយៈពេលត្រឹម ៣ខែប៉ុណ្ណោះ។
បើតាមវីដេអូដែល Rain បង្ហោះប្រាប់នោះ វាគឺជាការហាត់ប្រាណដែលគេហៅថា Tababta។ វាប្រើរយៈពេលខ្លីបំផុត តែអាចបញ្ចេញចលនាសាច់ដុំបានពេញលេញគ្រប់កន្លែងលើរាងកាយ។ Tababta ចែកចេញជា៨វគ្គ ដោយ១វគ្គៗមានពេល ២០វិនាទី។ ពេលហាត់ចប់១វគ្គៗ ត្រូវសម្រាក ១០វិនាទី។ ដូច្នេះបើគិតជាថេរវេលាសរុប វាចាយពេលប្រមាណ ៤នាទី៕
ចង់ដឹងពីរបៀបច្បាស់យ៉ាងណានោះ សូមទស្សនាវីដេអូខាងក្រោម៖