ឈប់ឆ្ងល់ទៅ! នេះមូលហេតុដែលចម្លាក់បុរាណទាំងនេះមានលិង្គតូចខុសធម្មតា

2020-06-11 02:25:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តើអ្នកធ្លាប់ឃើញ ឬចាប់អារម្មណ៍ទេថា រូបចម្លាក់អាក្រាតបុរសៗសម័យបុរាណរបស់រ៉ូម ឬក្រិក រមែងមានប្រដាប់ភេទតូចខ្លាំងខុសពីពេលបច្ចុប្បន្ន? សម្រាប់អ្នកប្រហែលជាគិតថា វាជារឿងចម្លែកហើយ ដែលរូបចម្លាក់ទាំងនោះបង្ហាញសាច់ដុំធំៗ មាំមួន និងអង់អាច តែបែរជាមានលិង្គតូចប្លែកទៅវិញ។

យ៉ាងណាមិញ បើតាមការបកស្រាយរបស់អ្នកជំនាញ បានបង្ហាញថា ស្ដង់ដារសម្រស់នាពេលបច្ចុប្បន្នគឺខុសគ្នាពីសម័យបុរាណច្រើន។ ក្នុងកំណត់ហេតុប្រវត្តិសាស្ត្រមួយមានចំណងជើង "How To Talk About Art History" បានសរសេរថា "សព្វថ្ងៃ លិង្គធំត្រូវគេឲ្យតម្លៃខ្ពស់ និងសក្ដិសមជាបុរសពិតៗ តែបើពីមុនវិញ ភស្តុតាងជាច្រើនបានចង្អុលបង្ហាញការពិតទៅវិញថា លិង្គតូចត្រូវគេចាត់ទុកជារឿងប្រសើរជាងការដែលមានលិង្គធំ"។

ចំណែកឯលោក Kenneth Dover ដែលជាបុរាណវិទូម្នាក់ ក៏បានសរសេររៀបរាប់នៅក្នុងសៀវភៅរបស់គាត់ "Greek Homosexuality" ថា លិង្គតូចគឺជាបំណងប្រាថ្នាដែលមនុស្សគ្រប់រូបចង់បាន កាលពីសម័យបុរាណ។ ដោយឡែកចំពោះបុរសៗដែលមានលិង្គធំ ត្រូវគេចាត់ទុកជាមនុស្សមិនឆ្លាតវៃ និងមិនមានភាពទាក់ទាញ។

សម្រាប់មូលហេតុផ្សេងទៀត ក្រុមអ្នកស្រាវជ្រាវ បានបន្ថែមថា រូបចម្លាក់បុរាណទាំងនោះតែងបង្ហាញពីតុល្យភាព និងឧត្ដមគតិនិយម។ ដូច្នេះហើយទើបគេមិនធ្វើឲ្យលិង្គមានទំហំធំ ដែលមើលទៅដូចជាការលេងសើច និងអាសអាភាសទៅវិញ៕