អតីតគ្រូបង្វឹក Juventus ថាក្លឹប Atalanta អាចឈ្នះពាន Serie A បាននៅរដូវកាលក្រោយ

2020-06-16 06:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Massimo Carrera ជាអតីតកីឡាករទាំងក្លឹប Atalanta និង Juventus បានលើកឡើងប្រាប់ដល់សារព័ត៌មានក្នុងស្រុក Stats Perform News ថា បើសិនណា ក្លឹបអាចចុះកុងត្រាយកកីឡាករល្អមានគុណភាពនិងបទពិសោធន៍ថែម ២ ឬ ៣នាក់ទៀតនោះ Atalanta សង្ឃឹមអាចឈ្នះពាន Serie A បាននៅរដូវកាលក្រោយ។

Carrera អតីតអ្នកចាត់ការរបស់ Juventus

អតីតអ្នកចាត់ការរបស់ Juventus ដដែលខាងលើក៏បានសរសើរថា ពីមួយឆ្នាំទៅមួយឆ្នាំ Atalanta បានធ្វើឲ្យភ្ញាក់ផ្អើលជាខ្លាំងជាមួយនឹងទម្រង់លេងប្រយុទ្ធល្អមើលមិនគួរធុញទ្រាន់ ក្រោមការដឹកនាំរបស់លោក Gasperini បណ្ដុះយុវជនមានសមត្ថភាពឲ្យបញ្ចេញទេពកោសល្យ។

ត្រឹម ២៥ ប្រកួតក្នុងពានលីគ Atalanta ស៊ុតចូលសរុប ៧០ គ្រាប់ទៅហើយ។ វាជាចំនួនមួយខ្ពស់ជាងគេ បើគិតចាប់ពីរដូវកាលមុនមក។

កីឡាករ Atalanta ពេលលេងក្នុងពានលីគ

ក្លឹបនៅតំបន់ Top 4 មួយនេះ កំពុងឡើងជើងមិនអាចមើលរំលងបានទេទាំងពានរង្វាន់ក្នុងស្រុក និងពានអឺរ៉ុប (Champions League) នៅរដូវកាលនេះ។

Atalanta ឡើងផុតវគ្គជម្រុះក្នុងពូលលើកដំបូង រហូតឡើងដល់វគ្គ ៨ ក្រុមចុងក្រោយ Champions League ឆ្នាំ ២០១៩ ជាលើកដំបូងបំផុតក្នុងប្រវត្តិសាស្ត្រក្លឹបផងដែរ ក្រោយពេលឈ្នះ Valencia ដោយលទ្ធផលសរុបទាំងពីរជើង ៨-៤ នៅវគ្គ ១៦ ក្រុមចុងក្រោយកាលពីខែមីនាកន្លងទៅ៕

ប្រភព៖ Sports Keeda ប្រែសម្រួល៖ រក្សា