Ramos រកបាន១គ្រាប់បំបែកកំណត់ត្រារបស់វីរបុរសក្លឹប Barcelona
- 2020-06-22 02:15:00
- ចំនួនមតិ 0 | ចំនួនចែករំលែក 0
Ramos រកបាន១គ្រាប់បំបែកកំណត់ត្រារបស់វីរបុរសក្លឹប Barcelona
ចន្លោះមិនឃើញ
ក្រុម Real Madrid បានយកឈ្នះលើក្រុម Real Sociedad ដោយលទ្ធផល ២-១ យកបាន៣ពិន្ទុបន្ថែមឡើងមកឈរលើកំពូលតារាងស្មើនឹងក្រុម FC Barcelona ដែលមាន ៦៥ ពិន្ទុក្នុងដៃសប្ដាហ៍ទី ៣០ បន្ទាប់ពីក្រុមអ្នកមានបុណ្យភ្លាត់ស្មើ ១-១ ជាមួយ Sevilla កាលពីថ្ងៃសៅរ៍កន្លងទៅ។
ចំណែកឯ Sergio Ramos អាចរកបាន១គ្រាប់ ក្នុងចំណោមគ្រាប់បាល់ឈ្នះនោះ (ជាបាល់បេណាល់ទី) មានន័យថា ប្រធានក្រុមរូបនេះរកបាន ៦៨ គ្រាប់ក្នុងលីគក្នុងនាមជាខ្សែការពារ ដែលកំណត់ត្រានេះស្មើនឹងខ្សែការពារឆ្នើម Ronald Koeman ក៏ដូចជាវីរបុរសក្លឹបគូប្រជែង FC Barcelona ផងដែរ(ក្នុង១អាជីព Koeman រកបាន ២៥៣ គ្រាប់) សឹងតែថាច្រើនជាងខ្សែប្រយុទ្ធទៀតផង។
តួលេខនេះក៏បានធ្វើឲ្យ Ramos ឈរនៅលេខ ៥ ជាប់កំណត់ត្រាជាខ្សែការពារឆ្នើមក្នុងប្រវត្តិសាស្ត្របាល់ទាត់ ដែលអាចរកបានគ្រាប់បាល់ច្រើនបំផុត។
បច្ចុប្បន្ន Ramos រកបានសរុប ៩៣ គ្រាប់(គ្រប់កម្មវិធីឲ្យក្លឹប) Real Madrid និងសរុប ១១៤ ក្រោយចំណាយពេល ១៦ ឆ្នាំក្នុងនាមជាកីឡាករបាល់ទាត់អាជីព៕
-ខ្សែកាពាររកគ្រាប់បាល់ច្រើនបំផុតមានតែ ១១ រូបប៉ុណ្ណោះក្នុងប្រវត្តិសាស្ត្របាល់ទាត់
ទស្សនាវីដេអូហាយឡាយខាងក្រោម(ចុច Watch on YouTube)៖