រឿងរ៉ាវប្ដូរកីឡាករ! មានម្នាក់សប្បាយចិត្តចាកចេញ ឯម្នាក់ទៀតមិនចង់ទៅសោះ

2020-06-30 04:11:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

-ផ្លូវការ៖ Arthur ទៅដល់ Juventus ចំណែកឯ Pjanic ទៅដល់ Barcelona ជាមួយនឹងលក្ខខណ្ឌសន្យាប្ដូរគ្នា ដូចខាងក្រោមនេះ៖

លោក Sarri គ្រូបង្វឹកក្លឹប Juventus បានលើកឡើងពីខ្សែបម្រើសញ្ជាតិបូស្នៀ Miralem Pjanic ថា៖ "ប្រសិនបើការផ្ទេរត្រូវបានយល់ព្រមគ្នារវាងក្លឹបនិងក្លឹប។ Pjanic នឹងសប្បាយចិត្តចាកចេញ។ ដូចអ្វីដែលគាត់ចង់បានគឺលេងឲ្យក្លឹបមួយដែលជោគជ័យ និងជាទីមានការប្រកួតប្រជែងគួរឲ្យកត់សម្គាល់។ (extraordinary club) ”។

Pjanic ទៅដល់ Barcelona

លោក Quique Setién គ្រូបង្វឹកក្លឹប Barcelona បានលើកឡើងពីខ្សែបម្រើសញ្ជាតិប្រេស៊ីល Arthur Melo ថា៖ “Arthur Melo មិនមែនជាកីឡាករដំបូងហើយក៏មិនមែនចុងក្រោយបំផុតរបស់ក្លឹបឡើយ។ តែជាមនុស្សម្នាក់ក្នុងចំណោមអ្នកដទៃដែល ក្លឹបរំពឹងខ្ពស់ពីគុណភាពលេងរបស់គេ។ ធ្លាប់មានគ្រូបង្វឹកផ្សេងគ្នា ប្រាប់ខ្ញុំថា គេលេងបានល្អ ស៊ីនឹងទម្រង់ (១ ឬ ២ ប៉ះ) តែបើកាលណាគេមិនបានបញ្ចេញអស់ពីលទ្ធភាពទេនោះ វាពិតជាពិបាកនឹងដាក់គេឲ្យចូលលេង។"

ពាក្យពេចន៍និយាយធ្ងន់ៗរបស់គ្រូបង្វឹកមានបទពិសោធន៍រូបនេះ បានធ្វើឲ្យរកាំរកូសដល់ចិត្តកីឡាករផ្ទាល់និងម្ដាយ Arthur (ឈ្មោះ Lucia ) ។ Arthur មានទាំងឈ្មោះក្នុងបញ្ជីលេងចុងក្រោយបំផុតទល់នឹង Celta Vigo ហើយក៏មានឈ្មោះក្នុងបញ្ជីកីឡាករត្រូវលក់ចេញផងដែរ។ ប្រការនេះបានរហូតឈានដល់ដំណាក់កាល ពិបាកផ្សះផ្សារ។

Arthur ទៅដល់ Juventus

-លក្ខខណ្ឌនិយាយគ្នារវាងក្លឹបទាំងពីរបានចេញជាផ្លូវការ

Arthur វ័យ២៣ឆ្នាំដែលចូលរួមជាមួយ Barca ពីក្លឹប Gremio ក្នុងកុងត្រា ៦ឆ្នាំកាលពីឆ្នាំ២០១៨ នឹងត្រូវធ្វើការផ្ទេរទៅ Juventus វិញក្នុងតម្លៃខ្លួន៧២លានអឺរ៉ូ ជាមួយប្រាក់បន្ថែមផ្សេងៗទៀត១០លានអឺរ៉ូក្នុងកុងត្រា ៥ឆ្នាំ។ ហើយ Arthur នឹងបន្តលេងឲ្យ Barcelona រហូតដល់ចប់រដូវកាលនេះ។

ចំណែកឯ Pjanic វ័យ៣០ឆ្នាំបានយល់ព្រមតម្លៃខ្លួនផ្ទេរ ៦០លានអឺរ៉ូ ជាមួយប្រាក់បន្ថែមផ្សេងៗទៀត ៥លានអឺរ៉ូ។ Pjanic បង្ហាញខ្លួន២១៤ប្រកួតឲ្យក្រុមជើងឯកលីគកំពូលរបស់អ៊ីតាលី Juventus បន្ទាប់ពីចូលរួមកាលពីឆ្នាំ២០១៦ ៕