ថៃ ជាប្រទេសអាស៊ានមួយគត់ដែលត្រូវ EU បើកឱ្យចូលវិញ
- 2020-07-01 02:56:10
- ចំនួនមតិ 0 | ចំនួនចែករំលែក 0
ថៃ ជាប្រទេសអាស៊ានមួយគត់ដែលត្រូវ EU បើកឱ្យចូលវិញ
ចន្លោះមិនឃើញ
សហភាពអឺរ៉ុប បានសម្រេចបើកព្រំដែនរបស់ខ្លួន កាលពីថ្ងៃទី៣០ ខែមិថុនា ឆ្នាំ២០២០ ដោយអនុញ្ញាតឱ្យចូលវិញនូវអ្នកដំណើរមកពីប្រទេសចំនួន១៤ ចាប់ពីថ្ងៃទី១ ខែកក្កដា។
ប្រទេសទាំង១៤ ដែល EU ចាត់ទុកថាជាប្រទេសមានសុវត្ថិភាពពីជំងឺកូវីដ១៩ រួមមាន៖ អាល់ហ្សេរី, អូស្ត្រាលី, កាណាដា, ជប៉ុន, ហ្សកហ្ស៊ី, ម៉ុងតេណេក្រូ, ម៉ារ៉ុក, ណូវែលហ្សេឡង់, រ៉ូវ៉ាន់ដា, ស៊ែប, កូរ៉េខាងត្បូង, ថៃ, ទុយនីស៊ី និងអ៊ុយរុយហ្គាយ។
សហរដ្ឋអាមេរិក មិនស្ថិតក្នុងបញ្ជីលើកលែងដោយសារតែប្រទេសមហាអំណាចនេះ នៅតែបន្តរងគ្រោះខ្លាំងពីជំងឺកូវីដ១៩។ ដោយឡែកសម្រាប់អ្នកដំណើរមកពីប្រទេសចិនវិញ EU នឹងអនុញ្ញាតផងដែរ ប្រសិនបើចិនអនុញ្ញាតឱ្យអ្នកដំណើរមកពីអឺរ៉ុបចូលវិញដូចគ្នា។ ចំពោះប្រទេសដទៃទៀត EU នឹងធ្វើការសម្រេចរៀងរាល់ ២សប្តាហ៍ម្តង។
គិតចាប់តាំងពីពាក់កណ្តាលខែមីនាមក សមាជិក EU ទាំង២៧ប្រទេស បានហាមឃាត់អ្នកដំណើរទាំងអស់ដែលនៅខាងក្រៅតំបន់ មិនឱ្យចូល ដើម្បីទប់ស្កាត់ការរីករាលជំងឺកូវីដ១៩៕