រដ្ឋមន្រ្តីសាធារណការ បង្ហើបទីតាំង២កន្លែងទៀត សម្រាប់ប្តូរបណ្ណបើកបរ
- 2020-07-08 01:20:24
- ចំនួនមតិ 0 | ចំនួនចែករំលែក 0
រដ្ឋមន្រ្តីសាធារណការ បង្ហើបទីតាំង២កន្លែងទៀត សម្រាប់ប្តូរបណ្ណបើកបរ
ចន្លោះមិនឃើញ
លោក ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណការ និងដឹកជញ្ជូន បានថ្លែងឱ្យដឹងថា ក្រសួងកំពុងពិភាក្សាដើម្បីដាក់មណ្ឌលប្តូរបណ្ណបើកបរ នៅផ្សារទំនើប២ទៀត ដែលជារបស់ក្រុមហ៊ុន ជីប ម៉ុង។ ការថ្លែងនេះ ធ្វើឡើង ក្នុងកិច្ចប្រជុំបូកសរុបលទ្ធផលការងារសុវត្ថិភាពចរាចរណ៍ផ្លូវគោកប្រចាំឆមាសទី១ និងទិសដៅការងារឆមាសទី២ ឆ្នាំ២០២០ នាព្រឹកថ្ងៃទី០៧ ខែកក្កដា ឆ្នាំ២០២០ នៅទីស្ដីការក្រសួងមហាផ្ទៃ។
លោកទេសរដ្ឋមន្រ្តី បញ្ជាក់ដូច្នេះថា៖ «ដើម្បីងាយស្រួលដល់បងប្អូនប្រជាពលរដ្ឋយើងក្នុងការប្តូរបណ្ណបើកបរ ឥឡូវយើងមាន២កន្លែង គឺផ្សារទំនើបអ៊ីអនទី១ និងផ្សារទំនើបអ៊ីអនទី២។ ថ្មីៗនេះ ខាងផ្នែកឯកជន ផ្សារទំនើបនូរូម៉លរបស់ជីបម៉ុង និងម៉លនៅសែនសុខ គាត់បានពិភាក្សាគ្នាជាមួយយើងខ្ញុំ ឱ្យយើងដាក់ទីតាំងផងដែរ»។
លោកអះអាងថា ចំពោះការដាក់មណ្ឌលប្តូរបណ្ណបើកបរ ២កន្លែងថ្មីទៀតនេះ គឺខាងផ្សារទំនើបរបស់ក្រុមហ៊ុន ជីប ម៉ុង មិនគិតថ្លៃជួលនោះទេ ព្រោះថាការដាក់ទីតាំងនេះ នឹងទាក់ទាញមនុស្សទៅកាន់ផ្សារទំនើបនោះកាន់តែច្រើន៕
ចុចអាន៖ ក្រសួងសាធារណការ នឹងចេញបណ្ណបើកបរដែលអាចឱ្យពលរដ្ឋខ្មែរ បើកឡាននៅប្រទេសគេបាន