តិចទៀតទៅលេងបូកគោ ទឹកឈូ ដូងទេរ លែងខ្វល់រឿងស្ទះចរាចរលើស្ពានទៀតហើយ!
- 2020-07-27 04:36:39
- ចំនួនមតិ 0 | ចំនួនចែករំលែក 0
តិចទៀតទៅលេងបូកគោ ទឹកឈូ ដូងទេរ លែងខ្វល់រឿងស្ទះចរាចរលើស្ពានទៀតហើយ!
ចន្លោះមិនឃើញ
រដ្ឋបាលខេត្តកំពត គ្រោងសាងសង់ស្ពានឆ្លងព្រែកកំពង់បាយថ្មីមួយទៀត ដើម្បីសម្រួលដល់ប្រជាពលរដ្ឋធ្វើដំណើរកម្សាន្ត និងរំដោះការកកស្ទះយានយន្ត ក្នុងភូមិសាស្រ្តខេត្តកំពត។ នេះបើតាមការបង្ហោះរបស់រដ្ឋបាលខេត្តកំពត ស្តីពីកិច្ចប្រជុំរវាងលោក ជាវ តាយ អភិបាលខេត្តកំពត ជាមួយក្រុមហ៊ុន China Road និងភាគីពាក់ព័ន្ធ កាលពីថ្ងៃទី២៣ ខែកក្កដា ឆ្នាំ២០២០។
បន្ទាប់ពីកិច្ចប្រជុំចប់ លោក ជាវ តាយ បានបន្តដឹកនាំក្រុមការងារជំនាញ និងក្រុមហ៊ុន China Road ចុះពិនិត្យទីតាំងមួយចំនួនមានដូចជា ទីតាំងស្ពានឥន្ធនូរចាស់ ស្ពានរថភ្លើង និងពិនិត្យកំពង់ផែសមុទ្រ តំបន់សេដ្ឋកិច្ចពិសេសគីឡូ១២។
សូមជម្រាបថាដោយខេត្តកំពត មានកំណើនភ្ញៀវទេសចរយ៉ាងច្រើនកុះករជារៀងរាល់សប្តាហ៍ បណ្តាលឲ្យមានការកកស្ទះយានយន្តរបស់ភ្ញៀវទេសចរ ដែលមកកម្សាន្តនៅតាមរមណីយដ្ឋានទេសចរណ៍នានា ជាពិសេសកកស្ទះយានយន្តលើស្ពានឆ្លងព្រែកកំពង់បាយ។
កត្តានេះហើយទើបថ្នាក់ដឹកនាំខេត្តកំពត ដោយមានការឯកភាពពីប្រមុខរាជរដ្ឋាភិបាលកម្ពុជា ក្នុងការសាងសង់ស្ពានឆ្លងព្រែកកំពង់បាយថ្មីមួយទៀតដើម្បីបង្ករលក្ខណៈងាយស្រួលដល់បងប្អូនប្រជាពលរដ្ឋ មកធ្វើដំណើរកម្សាន្ត និងរំដោះការកកស្ទះយានយន្ត និងភាពងាយស្រួលក្នុងការធ្វើដំណើរ ក៏ដូចការធ្វើដំណើរឆ្លងកាត់ក្នុងភូមិសាស្ត្រខេត្តកំពត ក្នុងការប្រកបមុខរបបរទទួលទានផ្សេងៗ៕