ដឹងអត់ថាប្រទេសរុស្ស៊ី និង សហភាពសូវៀត ខុសគ្នាយ៉ាងម៉េច?
- 2020-07-28 07:23:52
- ចំនួនមតិ 0 | ចំនួនចែករំលែក 0
ដឹងអត់ថាប្រទេសរុស្ស៊ី និង សហភាពសូវៀត ខុសគ្នាយ៉ាងម៉េច?
ចន្លោះមិនឃើញ
ពាក្យថា «ប្រទេសរុស្ស៊ី និង សហភាពសូវៀត» គឺមិនដូចគ្នាទេ ប៉ុន្តែវាមានការពាក់ព័ន្ធគ្នា ពោលគឺប្រទេសរុស្ស៊ី ជាផ្នែកមួយធំជាងគេនៃសហភាពសូវៀត។
សហភាពសាធារណរដ្ឋសង្គមនិយមសូវៀត ឬហៅថា សហភាពសូវៀត ត្រូវបានបង្កើតឡើងនៅចុងឆ្នាំ១៩២២ ក្រោយពេលមានបដិវត្តន៍រុស្ស៊ីឆ្នាំ១៩១៧ ដឹកនាំដោយបក្សប៊ុលសេវិកដែលជាបក្សសង្គមនិយម ដើម្បីផ្តួលរំលំរបបរាជានិយមរបស់ស្តេចត្ស៉ា។
ការប្រកាសបង្កើតសហភាពសូវៀត ធ្វើឡើងសន្និសីទមួយដែលមានការចូលរួមពីគណៈប្រតិភូសាធារណរដ្ឋសង្គមនិយមចំនួន៤ គឺ ១. រុស្ស៊ី, ២. អន្តរកូកាស (រួមមានប្រទេសអាមេនី, អាហ្សែបៃហ្សង់ និង ហ្សកហ្ស៊ី), ៣. អ៊ុយក្រែន និង ៤. បេឡូរុស្ស៊ី (បច្ចុប្បន្នបេឡារុស)។ មេដឹកនាំសហភាពសូវៀតដំបូងគេបង្អស់គឺលោក វ្លាឌីមៀ លេនីន ចាប់ពីឆ្នាំ១៩២២ ដល់ ១៩២៤។
ជារួមត្រឹមឆ្នាំ១៩៤០ សហភាពសូវៀត បានកើនឡើងដល់ ១៥ប្រទេសរួមមាន៖ រុស្ស៊ី, អាមេនី, អាហ្សែបៃហ្សង់, ហ្សកហ្ស៊ី, អ៊ុយក្រែន, បេឡូរុស្ស៊ី, អ៊ុយបេគីស្ថាន, កាហ្សាក់ស្ថាន, កៀជីស្ថាន, ម៉ុលដូវ៉ា, តួកមេនីស្ថាន, តាជីគីស្ថាន, ឡាតវី, លីធូអានី និងអេស្តូនី។
សហភាពសូវៀតបានដួលរលំទាំងស្រុង នៅចុងឆ្នាំ១៩៩១ ហើយប្រទេសទាំង១៥ខាងលើ បានបំបែកខ្លួន ដោយក្លាយជាប្រទេសឯករាជ្យរៀងៗខ្លួនមកដល់បច្ចុប្បន្ន៕