អគ្គស្នងការ ផ្អាកការងារមន្រ្តីនគរបាលខេត្តព្រៃវែង ៧រូប
- 2020-07-28 08:13:54
- ចំនួនមតិ 0 | ចំនួនចែករំលែក 0
អគ្គស្នងការ ផ្អាកការងារមន្រ្តីនគរបាលខេត្តព្រៃវែង ៧រូប
ចន្លោះមិនឃើញ
នាយឧត្តមសេនីយ៍ នេត សាវឿន អគ្គស្នងការនគរបាលជាតិ បានសម្រេចផ្អាកការងារបណ្តោះអាសន្នចំពោះមន្រ្តីនគរបាលជាតិចំនួន៧រូប នៃស្នងការដ្ឋាននគរបាលខេត្តព្រៃវែង ដែលមានឈ្មោះដូចខាងក្រោម៖
ការសម្រេចនេះ ធ្វើឡើងក្រោយពេលដែលកម្លាំងជំនាញស្នងការដ្ឋាននគរបាលខេត្តព្រៃវែង កាលពីថ្ងៃទី២០ ខែកក្កដា ឆ្នាំ២០២០ បានបង្ក្រាបបទល្មើសជួញដូរគ្រឿងញៀន នៅចំណុចមុខក្លោងទ្វាវត្តរោងដំរី ស្ថិតនៅភូមិ៦ សង្កាត់កំពង់លាវ ក្រុង-ខេត្តព្រៃវែង។ ក្នុងនោះឃាត់ខ្លួនមុខសញ្ញាសង្ស័យប្រើប្រាស់គ្រឿងញៀនចំនួន០២នាក់ ដោយអំពើហិង្សាកើតឡើងបង្កឲ្យមានរបួសស្នាម។ ហើយក្រោយមកបានប្រគល់ជនទាំង០២នាក់នោះឲ្យឱពុក-ម្តាយដើម្បីយកទៅគ្រប់គ្រង និងអប់រំបន្ត។
នាយឧត្តមសេនីយ៍សន្តិបណ្ឌិត បានដាក់បទបញ្ជាឲ្យថ្នាក់ដឹកនាំនាយកដ្ឋាន អង្គភាព និងស្នងការដ្ឋាននគរបាលរាជធានី-ខេត្តទាំង២៥ ត្រូវពង្រឹងការអនុវត្តន៍វិន័យរបស់កងកម្លាំងនគរបាលជាតិនៅទូទាំងប្រទេស និងមិនលើកលែងដាច់ខាតចំពោះមន្ត្រីនគរបាលណាម្នាក់ដែលប្រព្រឹត្តខុសពីវិន័យ និងវិជ្ជាជីវៈរបស់កងកម្លាំងនគរបាលជាតិ និងអាចឈានដល់ការអនុវត្តនីតិវិធីច្បាប់ទៀតផង៕
ប្រភព៖ ទទក