មកស្គាល់អ្នកបង្កើតឱកាសឲ្យ Leipzig ២គ្រាប់ទម្លាក់ Atletico Madrid ចេញពី Champions League

2020-08-14 04:45:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Marcel Sabitzer ខ្សែបម្រើឆ្នើមសញ្ជាតិអូទ្រីស លេងឲ្យក្លឹបកំពុងឡើងជើងខ្លាំង RB Leipzig អាឡឺម៉ង់។ Sabitzer ធ្វើបានកំណត់ត្រាផ្ទាល់ខ្លួនពោលគឺ មានស្ថិតិល្អស្មើនឹងខ្សែប្រយុទ្ធ Timo Werner (ផ្លាស់ទៅ Chelsea) ដោយស៊ុតបាន៤គ្រាប់នៅ UCL ត្រឹម៧ប្រកួត។ ចំណែកការ assist ឲ្យមិត្តរួមក្រុមរូបគេធ្វើបាន ៣ដង។

ម្ចាស់អាវលេខ ៧ រូបនេះត្បិតតែមិនអាចស៊ុតបញ្ចូលទី ប៉ុន្តែបានបង្កើតឱកាសឲ្យមិត្តក្រុម Leipzig រកបាន២គ្រាប់ ដោយយកឈ្នះ២-១ ទម្លាក់ក្រុមខ្លាំង Atletico Madrid ឲ្យធ្លាក់ចេញពីពាន UEFA Champions League ត្រឹមវគ្គ ៨ក្រុមចុងក្រោយ លទ្ធផលនេះគ្រប់គ្រាន់អាចឲ្យ ក្រុមគោជល់ឡើងវគ្គពាក់កណ្ដាលផ្ដាច់ព្រ័ត្រដំបូងបំផុត ក្នុងប្រវត្តិសាស្រ្ត១១ឆ្នាំរបស់ក្លឹប។

Marcel Sabitzer

Sabitzer បានប្រាប់សារព័ត៌មានក្រោយចប់ប្រកួតថា "ក្រុមយើងបានប្រឹងប្រែងខ្លាំងណាស់ ហើយគឺសាកសមនឹងឡើងមកដល់វគ្គនេះ ក្រុមយើងបានបង្ហាញអ្នករាល់គ្នាថា ទម្រង់លេងរបស់យើងពិតជាឈានដល់កម្រិតខ្ពស់។”

ដូចនេះក្រុមខ្លាំងគោជល់អាឡឺម៉ង់មួយនេះ នឹងត្រូវជួបក្រុមខ្លាំងបារាំង PSG នៅវគ្គ៤ក្រុមចុងក្រោយ ដើម្បីរកឲ្យឃើញថានរណាខ្លាំងជាង នៅថ្ងៃទី ១៨ ខែសីហា ខាងមុខនេះ។

ដោយឡែកខាងក្រោមនេះជារឿងរ៉ាវគួរឲ្យចាប់អារម្មណ៍ក្លឹប RB Leipzig ក្នុងរយៈពេលត្រឹម១១ឆ្នាំ តែប៉ុណ្ណោះ

-នៅឆ្នាំ ២០០៩ : Leipzig ត្រូវបានបង្កើតឡើង

-ឆ្នាំ ២០១០ : បានឡើងមកលេងលីគទី ៤

-ឆ្នាំ ២០១៣ : បានឡើងមកលេងលីគទីបាន ៣

-ឆ្នាំ ២០១៤ : បានឡើងមកលេងលីគទី ២

-ឆ្នាំ ២០១៦ : បានមកលេងនៅ Bundesliga

-ឆ្នាំ ២០១៧ : បានជើងឯករងនៃក្របខ័ណ្ឌ Bundesliga

-ឆ្នាំ ២០២០ : ឡើងមកដល់វគ្គ៤ក្រុម UEFA Champions League

-ក្លឹបអាល្លឺម៉ង់មួយនេះជាក្រុមក្មេងជាងគេបំផុតក្នុងវគ្គ៤ក្រុម ដោយទើបតែមានវ័យ១១ឆ្នាំ ចាប់ពីកកើតដំបូងក្នុងឆ្នាំ២០០៩

-លោក Julian Nagelsmann ជាគ្រូក្មេងបំផុតឡើងដល់វគ្គ៤ក្រុម ដោយមានវ័យទើបតែ៣៣ឆ្នាំប៉ុណ្ណោះ៕

ទស្សនាវីដេអូហាយឡាយ