មន្ទីរបញ្ចកោណ៖ ចិនគ្រោងផលិតក្បាលគ្រាប់នុយក្លេអ៊ែរបំពាក់លើមីស៊ីលដែលបាញ់ដល់អាមេរិក

2020-09-02 02:02:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មន្ទីរបញ្ចកោណអាមេរិក បានអះអាងក្នុងរបាយការណ៍មួយ កាលពីថ្ងៃទី១ ខែកញ្ញា ឆ្នាំ២០២០ថា ចិនគ្រោងបង្កើនចំនួនក្បាលគ្រាប់នុយក្លេអ៊ែរឱ្យបានទ្វេដងក្នុងរយៈពេល ១០ឆ្នាំក្រោយ។ ក្នុងនោះរួមមានទាំងក្បាលគ្រាប់ដែលបំពាក់លើមីស៊ីលបាលីស្ទីក អាចបាញ់ដល់អាមេរិកទៀតផង។

យ៉ាងណាមិញ ទោះជាចិនបង្កើនដល់ចំនួនទ្វេដងក៏ដោយ ក៏វានៅតែមានចំនួនតិចណាស់បើប្រៀបធៀបនឹងអាមេរិក ព្រោះបច្ចុប្បន្នអាមេរិក មានក្បាលគ្រាប់នុយក្លេអ៊ែរប្រមាណ ៣៨០០គ្រាប់ ខណៈចិន មានត្រឹមតែខ្ទង់ ២០០គ្រាប់ប៉ុណ្ណោះ។

មន្ទីរបញ្ចកោណបញ្ជាក់ក្នុងរបាយការណ៍ប្រចាំឆ្នាំស្តីពី «អំណាចយោធាចិន» ដែលផ្ញើទៅកាន់សភាអាមេរិក ឱ្យដឹងថា ការធ្វើទំនើបកម្ម និងការពង្រីកកម្លាំងនុយក្លេអ៊ែររបស់ចិន គឺជាផ្នែកមួយនៃការខិតខំប្រឹងប្រែងរបស់ក្រុងប៉េកាំង ដើម្បីបង្កើនឥទ្ធិពលក្នុងពិភពលោក និងអាចប្រៀបស្មើ ឬលើសអាមេរិកទៀត នៅត្រឹមឆ្នាំ ២០៤៩។

តាមរបាយការណ៍ដដែលនេះបន្តទៀតថា ចិនកំពុងអភិវឌ្ឍមីស៊ីលបាលីស្ទីកបំពាក់នុយក្លេអ៊ែរ ដែលបាញ់នៅលើអាកាស ហើយបានបញ្ចេញគ្រាប់បែកដែលអាចបំពាក់នុយក្លេអ៊ែរជាលើកដំបូងផងដែរ៕

ប្រភព៖ defence