កប៉ាល់ដឹកសត្វជិត ៦ពាន់ក្បាល បាត់ខ្លួនពេលជួបព្យុះម៉ៃសាក់
- 2020-09-03 06:20:04
- ចំនួនមតិ 0 | ចំនួនចែករំលែក 0
កប៉ាល់ដឹកសត្វជិត ៦ពាន់ក្បាល បាត់ខ្លួនពេលជួបព្យុះម៉ៃសាក់
ចន្លោះមិនឃើញ
កប៉ាល់មួយគ្រឿងដែលដឹកនាវិកជាង ៤០នាក់ និងគោក្របីជិត ៦ពាន់ក្បាល បានបាត់ខ្លួនដោយសារជួបខ្យល់ព្យុះម៉ៃសាក់ នៅក្នុងសមុទ្រចិនខាងកើត ជិតកោះ Amami Oshima ប្រទេសជប៉ុន កាលពីថ្ងៃទី២ ខែកញ្ញា ឆ្នាំ២០២០។
ឆ្មាំសមុទ្រជប៉ុន បានសង្គ្រោះមនុស្សម្នាក់ដែលជានាវិក ក្នុងអំឡុងពេលស្រាវជ្រាវរកកប៉ាល់ដែលបាត់ខ្លួនេះ។ នាវិករូបនោះមានឈ្មោះ Sareno Edvarodo ជនជាតិហ្វីលីពីន អាយុ ៤៥ឆ្នាំ។
លោក Edvarodo បានឱ្យដឹងថា កប៉ាល់បានខូចម៉ាស៊ីនមួយ មុនរងការវាយប្រហារដោយរលក ហើយក្រឡាប់។ នៅពេលកប៉ាល់ក្រឡាប់ លោកបានលោតចុះក្នុងទឹក ហើយមិនបានឃើញនាវិកផ្សេងទៀតឡើយ មុនពេលលោកត្រូវបានជួយសង្គ្រោះ។
សូមជម្រាបថា កប៉ាល់ដឹកសត្វខាងលើមានឈ្មោះ Gulf Livestock 1 បានចាកចេញពីក្រុងកំពង់ផែ Napier ប្រទេសណូវែលហ្សេឡង់ កាលពីថ្ងៃទី១៤ សីហា ដោយដឹកនាវិក ៤៣នាក់ និងគោក្របីចំនួន ៥៨៦៧ក្បាល សំដៅទៅលើក្រុង Tangshan ប្រទេសចិន។ កប៉ាល់នេះ ត្រូវបានរំពឹងថានឹងចំណាយពេលធ្វើដំណើរប្រមាណ ១៧ថ្ងៃ។ ក្នុងចំណោមនាវិក ក្នុងនោះ ៣៩នាក់ជាជនជាតិហ្វីលីពីន, ២នាក់ជាជនជាតិណូវែលហ្សេឡង់ និង ២នាក់ជាជនជាតិអូស្ត្រាលី៕