“1975 Diet” គន្លឹះថែទាំសុខភាព តាមរយៈការញ៉ាំអាហារដែលប្រជាជនជប៉ុនអនុវត្តយូរឆ្នាំមកហើយ
- 2020-09-04 03:36:00
- ចំនួនមតិ 0 | ចំនួនចែករំលែក 0
“1975 Diet” គន្លឹះថែទាំសុខភាព តាមរយៈការញ៉ាំអាហារដែលប្រជាជនជប៉ុនអនុវត្តយូរឆ្នាំមកហើយ
ចន្លោះមិនឃើញ
ជប៉ុន ត្រូវបានគស្គាល់ថាមានប្រជាជនវ័យចាស់រស់នៅច្រើនជាងគេ។ អាថ៍កំបាំងនេះ ដោយសារប្រជាជននិយមប្រើប្រាស់ ១៩៧៥ Dietដែលជួយឲ្យរាងកាយរបស់ពួកគេរក្សាបានសុខភាពល្អ មិនសូវឈឺ ព្រមទាំងមានសុខភាពខួរក្បាលល្អផងដែរ។
អ្វីទៅហៅថា 1975 Diet?
យោងតាមទិន្នន័យ វិធីដែលប្រជាជនជប៉ុនហូបអាហារពីមួយពេលទៅមួយពេល មានការផ្លាស់ប្តូរឥតឈប់ឈរ។ ពួកគេប្រើគ្រឿងផ្សំចំអិនអាហារ មានលក្ខណៈខុសៗគ្នា ពីមួយជំនាន់ទៅមួយជំនាន់។ ដោយសារតែក្នុងឆ្នាំ ១៩៧៥ គេសង្កេតឃើញថា ចំនួនប្រជាជនកើតទឹកនោមផ្អែម ជំងឺធាត់ជាដើម មានតិចបំផុត ទើបធ្វើឲ្យវិធីចំអិនអាហារក្នុងឆ្នាំនោះ ត្រូវបានគេចាត់ទុកជាអាហារគំរូដល់ពេលបបច្ចុប្បន្ន។
ស្ទីលនៃអាហារសុខភាព ១៩៧៥ ត្រូវបានគេរៀបចំមានដូចជា ផ្លែឈើ បន្លែ គ្រាប់ធញ្ញជាតិ សារាយសមុទ្រ គ្រឿងទេសល្អៗ រួមទាំងទឹកផ្លែឈើមួយកែវផងដែរ។ លើសពីនេះ ភេសជ្ជៈមានរសជាតិផ្អែម គឺកំណត់ឲ្យមានជាតិផ្អែមតិចជាងជំនាន់ៗមុនៗទាំងអស់។
ម្ល៉ោះហើយ ក្នុងអាហារ ១៩៧៥ Diet តែងតែរួមផ្សំដូចជា៖
១. ក្នុងមួយពេល មានអាហារ៥ក្រុម ដូចជា កាបូនហាយដ្រាត ប្រតេអ៊ីន ជាតិខនិជ វីតាមីន និងជាតិខ្លាញ់។
២. គ្រឿងផ្សំប្រើច្រើនមុខសម្រាប់អាហារមួយចាន ហើយប្រជាជនជប៉ុនផ្តោតសំខាន់លើគុណភាពជាជាងបរិមាណ។ ម្ល៉ោះហើយ អាហារមួយពេលរបស់ពួកគេមានច្រើនមុខ តែតិចៗសម្រាប់មនុស្សម្នាក់បរិភោគ។
៣. អាហាររួមមាន សម្ល ចំហ៊ុយ ស្ងោរ អាំង និងឆៅ
៤. អាហារត្រូវផ្តោតទៅលើ ត្រីដែលមានប្រតេអ៊ីន តៅហ៊ូ អាហារធ្វើពីសណ្តែក និងផ្សិត
៥. ញ៉ាំបន្លែចម្រុះពណ៍ ដើម្បីទទួលបានវីតាមីន និងជីវជាតិ
៦. រសជាតិអាហារតាមបែបធម្មជាតិ មានទាំងជូរ ប្រៃ
៧. ការធ្វើអាហារផលិតទៅតាមរដូវកាល ជាមួយគ្រឿងផ្សំធម្មជាតិដូចជា miso (ដែលត្រូវការចម្រុះចូលគ្នារវាងសណ្តែក ឬបាយនិងអំបិល) ទឹកប្រេងខ្យង ទឹកខ្មេះ ទឹក Mirin និង ស្រាបុរាណ។
ប្រសិនបើអ្នកចង់មានសុខភាពល្អដូចប្រជាជនជប៉ុន កុំភ្លេចសាកល្បងអាហារ 1975 Diet ៕