តើវីរនារី Mulan មានពិតប្រាកដនៅក្នុងប្រវត្តិសាស្រ្តចិនមែនឬ?

2020-09-21 08:39:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រឿងរ៉ាវ Hua Mulan ដែលគេស្គាល់ថា ជាវីរនារីក្នុងប្រវត្តិសាស្រ្តចិន គឺគ្រាន់តែការប្រឌិតឡើងតែប៉ុណ្ណោះ ពោលគឺសាច់រឿងនេះ ត្រូវបានគេរកឃើញនៅក្នុងសៀវភៅរឿងព្រេងនិទានចិនដែលមានចំណងជើងថា «Ballad of Mulan»។

សៀវភៅរឿងព្រេងនេះ ត្រូវបានសរសេរឡើងនៅក្នុងអំឡុងរាជវង្សអ៊ួយខាងជើង (Northern Wei Dynasty) ពីឆ្នាំ ៣៨៦ ដល់ ៥៣៤។ រឿងព្រេងនេះ បានចាប់ផ្តើមមានភាពល្បីល្បាញខ្លាំង តាំងពីសម័យរាជវង្សថាងមក (៦១៨-៩០៧)។

សាច់រឿងរបស់ Mulan គឺមានខ្លឹមសារជំរុញឱ្យនារីកាន់តែមានភាពក្លាហាន ពោលគឺ Mulan បានស្ម័គ្រចូលបម្រើកងទ័ព ជំនួសឱ្យឪពុករបស់ខ្លួន ដោយគ្រួសាររបស់នាងពុំមានកូនប្រុស សម្រាប់ចូលបម្រើទ័ពឡើយ។ Mulan បានបន្លំខ្លួនជាមនុស្សប្រុស ហើយចេញទៅច្បាំងទល់នឹងការឈ្លានពានពីនគរនៅភាគខាងជើង គឺនគរ Rouran ដែលនេះជានគរដំបូងរបស់ម៉ុងហ្គោល។

Liu Yifei ដែលដើរតួជា Mulan

បើតាមប្រវត្តិសាស្រ្តចិន សង្គ្រាមរវាងនគរអ៊ួយខាងជើង និងនគរ Rouran ចាប់ផ្តើមឡើងក្នុងឆ្នាំ៤២៩។ ភាគច្រើននៃសង្គ្រាមរវាងនគរទាំងពីរ បានកើតឡើងនៅម្តុំភ្នំខ្មៅ (Black Mountain) ដែលបច្ចុប្បន្នគឺជាភ្នំ Shahukou ស្ថិតនៅចម្ងាយប្រហែល ៤៨០គីឡូម៉ែត្រភាគលិចក្រុងប៉េកាំង និងម្តុំភ្នំ Yanran ដែលបច្ចុប្បន្នហៅថា Delgerhangay Uul ស្ថិតក្នុងប្រទេសម៉ុងហ្គោលី ដោយមានចម្ងាយពីភ្នំ Shahukou ប្រហែល ៨០០គីឡូម៉ែត្រ។