សម្តេច ហ៊ុន សែន ប្រាប់ពីភាពអយុត្តិធម៌របស់កម្ពុជា ទៅកាន់ UN

2020-09-28 02:03:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្នុងមហាសន្និបាតរបស់អង្គការសហប្រជាជាតិ តាមរយៈប្រព័ន្ធវីដេអូ កាលពីថ្ងៃទី២៦ ខែកញ្ញា ឆ្នាំ២០២០ សម្តេច ហ៊ុន សែន បានថ្លែងថា កម្ពុជាបានទទួលរងនូវភាពអយុត្តិធម៌ ដោយត្រូវប្រឈមមុខនឹងស្តង់ដារទ្វេដែលប្រកបដោយកលល្បិច និងការសម្រេចចិត្តដែលមានភាពលម្អៀង និងមានចេតនានយោបាយ ពីប្រទេសធំៗមួយចំនួន ក្នុងនោះសម្តេច ក៏បានលើកឡើងពីភាពអយុត្តិធម៌របស់កម្ពុជា ក្នុងប្រវត្តិសាស្រ្តផងដែរ។

** ទាញយក App Kley Kley នៅលើ Android និង iOS ដើម្បីទទួលបានព័ត៌មានលឿនរហ័ស **

សម្តេចតេជោ បានរៀបរាប់យ៉ាងដូច្នេះថា៖

សម្តេច ហ៊ុន សែន ថ្លែងនាពេលកន្លងមក

«ប្រមាណជាង ៤០ឆ្នាំមុន កម្ពុជា ត្រូវបានរំដោះចេញពីរបបប្រល័យពូជសាសន៍ខ្មែរក្រហម ដែលប្រជាជនកម្ពុជាជាង ២លាននាក់ បានបាត់បង់ជីវិតនៅក្នុងដៃរបបព្រៃផ្សៃនេះ។ អ្នករស់រានមានជីវិតទាំងបាក់ស្បាត និងសល់តែបាតដៃទទេ គឺជាអ្នកដែលស្តារប្រទេសជាតិពីគំនរផេះផង។ អ្វីដែលគួរឱ្យហួសចិត្ត គឺអ្នកដែលរស់រានមានជីវិតទាំងអស់នោះ បែរជាទទួលរងទណ្ឌកម្មពីសមាជិកភាគច្រើននៃអង្គការសហប្រជាជាតិ ដែលថែមទាំងបានអនុញ្ញាតឱ្យមេពិឃាដខ្មែរក្រហម កាន់កាប់អាសនៈរបស់កម្ពុជានៅអង្គការសហប្រជាជាតិទៅវិញ»។

ចំពោះការដក EBA មួយផ្នែកពីកម្ពុជា ខណៈដែលប្រទេសនេះកំពុងតស៊ូប្រយុទ្ធនឹងជំងឺកូវីដ១៩ សម្តេច ហ៊ុន សែន បានហៅថា គឺជារឿងច្រំដែលនៃប្រវត្តិសាស្រ្ត៕

ចុចអាន៖ សម្តីចាក់ដោតរបស់មេដឹកនាំទាំង៣នេះនៅ UN ធ្វើឱ្យកក្រើកពិភពលោក