ប្រទេស២ ដែលស្ថិតក្នុងអតីតសហភាពសូវៀត កំពុងផ្ទុះសង្គ្រាមធំនឹងគ្នា
- 2020-09-29 03:02:50
- ចំនួនមតិ 0 | ចំនួនចែករំលែក 0
ប្រទេស២ ដែលស្ថិតក្នុងអតីតសហភាពសូវៀត កំពុងផ្ទុះសង្គ្រាមធំនឹងគ្នា
ចន្លោះមិនឃើញ
ប្រទេសអាមេនី និងអាហ្ស៊ែបៃហ្សង់ ដែលសុទ្ធតែជាធ្លាប់ក្នុងអតីតសហភាពសូវៀត បាននឹងកំពុងផ្ទុះសង្គ្រាមនឹងគ្នា នៅតាមបណ្តោយព្រំដែនរវាងប្រទេសទាំងពីរ ចាប់តាំងពីថ្ងៃអាទិត្យមក។
** ទាញយក App Kley Kley នៅលើ Android និង iOS ដើម្បីទទួលបានព័ត៌មានលឿនរហ័ស **
មូលហេតុនៃការផ្ទុះសង្គ្រាមនេះ គឺការដណ្តើមយកតំបន់ភ្នំ Nagorno-Karabakh ដែលត្រូវបានគ្រប់គ្រងដោយអាមេនី ចាប់តាំងពីចប់សង្គ្រាមក្នុងឆ្នាំ១៩៩៤មក។
អាជ្ញាធរតំបន់ Nagorno-Karabakh របស់អាមេនី បានឱ្យដឹងថា គិតត្រឹមយប់ថ្ងៃទី២៨ ខែកញ្ញា ឆ្នាំ២០២០ ទាហានរបស់ខ្លួនប្រមាណជាង ៨០នាក់ហើយដែលបានបាត់បង់ជីវិត។
ប្រទេសជាច្រើនមានការព្រួយបារម្ភថា សង្គ្រាមនេះ អាចនឹងមានការរីករាលដាលចូលក្នុងតំបន់ ពិសេសមានការលូកដសចូលពីប្រទេសជិតខាងដូចជា តួកគី, រុស្ស៊ី និងអ៊ីរ៉ង់។
ជុំវិញជម្លោះនេះ រដ្ឋមន្រ្តីការបរទេសអាមេនី បានចោទប្រកាន់អាហ្ស៊ែបៃហ្សង់ថា បានបំពានកិច្ចព្រមព្រៀងសន្តិភាព ដែលធ្វើឱ្យអាមេនី ត្រូវបង្ខំចិត្តការពារតំបន់នេះ។ ចំណែកអ្នកនាំពាក្យរដ្ឋបាលប្រធានាធិបតីអាហ្ស៊ែបៃហ្សង់វិញ បានអះអាងថា ប្រទេសខ្លួនគឺគ្រាន់តែចាត់វិធានការទប់ស្កាត់នឹងការបង្កហេតុរបស់អាមេនីតែប៉ុណ្ណោះ។
គួរដឹងដែរថា តំបន់ Nagorno-Karabakh មានទំហំប្រហែល ៤៤០០គីឡូម៉ែត្រការ៉េ។ ក្នុងអំឡុងសហភាពសូវៀត តំបន់នេះ ជាតំបន់ស្វយ័តរបស់អាហ្ស៊ែបៃហ្សង់ ខណៈតំបន់នេះបែរជាសម្បូរដោយជនជាតិអាមេនីរស់នៅ។ ប្រទេសទាំងពីរ បានផ្ទុះសង្គ្រាមនឹងគ្នា ដើម្បីដណ្តើមយកតំបន់នេះ ក្នុងឆ្នាំ ១៩៨៨ ដល់ ១៩៩៤ ហើយទីបំផុតអាមេនីជាអ្នកឈ្នះគ្រប់គ្រងតំបន់នេះ៕