អ្នកផងបះសក់ពេលឃើញបុរសម្នាក់ចូលក្លឹប ចេញវិក័យបត្រអស់ជិត ១០ម៉ឺនដុល្លារ
- 2020-09-30 01:00:00
- ចំនួនមតិ 0 | ចំនួនចែករំលែក 0
អ្នកផងបះសក់ពេលឃើញបុរសម្នាក់ចូលក្លឹប ចេញវិក័យបត្រអស់ជិត ១០ម៉ឺនដុល្លារ
ចន្លោះមិនឃើញ
មុននេះបន្តិច វិក័យបត្រចូលក្លឹបកម្សាន្តមួយរបស់បុរសម្នាក់មកពីប្រទេសវៀតណាមបានធ្វើឲ្យគេដកក ចំហរមាត់គ្រប់គ្នា ដោយការកម្សាន្តត្រឹមមួយយប់នេះមានតម្លៃដល់ទៅជិត ១០ម៉ឺនដុល្លារ។
នោះគឺវិកយបត្រចូលក្លឹបមួយកន្លែងដ៏ល្បីឈ្មោះ កាលពីឆ្នាំមុន ត្រូវបានបង្ហោះលើបណ្ដាញសង្គម ធ្វើឲ្យគេភ្ញាក់ផ្អើលគ្រប់គ្នា។ ត្បិតចំនួនលុយនៅក្នុងវិក័យបត្រដែល ហូបចុកត្រឹមតែប៉ុន្មានម៉ោងនេះ គឺមានតម្លៃឡើងដល់ជាង ២ពាន់លានដុង (ជិត១០ម៉ឺនដុល្លារ)។
ជាក់ស្ដែង នៅក្នុងវិក័យបត្រនេះ គ្រាន់តែថ្លៃស្រាគឺអស់ជិត ៥ម៉ឺនដុល្លារ និងថ្លៃម្ហូប ក៏ដូចជាសេវាផ្សេងៗរួមបញ្ចូលទៀត គឺអស់៥ម៉ឺនដុល្លារទៀត។ អ្នកបង្ហោះវិក័យបត្រនេះ គឺជាអ្នកចាត់ការរបស់ក្លឹបនេះផ្ទាល់តែម្ដង។ កម្មវិធីនេះ គឺជាកម្មវិធីដែលកូនកំលោះកូនក្រមុំនាំមិត្តភ័ក្ដិមកជប់លៀង ក្រោយពិធីមង្គលការរបស់ពួកគេចប់ទៅ។ ប្រភពដដែលបានបន្ថែមថា ដោយសារតែទាំងកូនកំលោះ និងកូនក្រមុំសុទ្ធតែជាអ្នកមានទាំងអស់ ដូចនេះពួកគេបានបើកសិទ្ធិឲ្យមិត្តភ័ក្ដិទាំងអស់ ចង់កុម្ម៉ង់អ្វីក៏បាន ដោយមិនមានកំណត់ឡើយ៕