គួរប្រុងប្រយ័ត្ន! អ្នកដុះក្បាលពោះងាយប្រឈមនឹងបញ្ហា៥ដ៏គ្រោះថ្នាក់នេះណាស់

2020-10-01 01:06:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ដុះក្បាលពោះមិនមែនជាអ្វីដែលមនុស្សគ្រប់រូបប្រាថ្នាចង់បាននោះទេ ព្រោះវានឹងធ្វើឲ្យអ្នកប្រឈមនឹងបញ្ហាសុខភាពជាច្រើនដែលកំពុងកើតឡើងយ៉ាងសន្សឹមៗ។ បើយោងតាមការបកស្រាយរបស់វេជ្ជបណ្ឌិតជំនាញ បានឲ្យដឹងថា ការដុះក្បាលពោះមានបញ្ហាប្រឈមធំៗចំនួន ៥ ដូចខាងក្រោម៖

១. ងាយកើតជំងឺទឹកនោមផ្អែម

ការដុះក្បាលពោះនឹងធ្វើឲ្យថ្លើមរបស់អ្នកត្រូវរុំព័ទ្ធដោយខ្លាញ់ជុំជិត។ កត្តានេះនឹងបង្អាក់ដំណើរការបម្លែងជាតិស្ករនៅក្នុងរាងកាយ ដែលបណ្ដាលឲ្យជាតិស្ករស្ទះនៅក្នុងប្រព័ន្ធលំហូរឈាម។ ការកើនឡើងជាតិស្ករយូរៗទៅនឹងបង្កកើតជាជំងឺទឹកនោមផ្អែម។

២. កើតមានបញ្ហាច្រើនលើប្រព័ន្ធរំលាយអាហារ

ចង្កេះម៉ាប់ៗ ក្បាលពោះធំ ជាកត្តាជំរុញមួយដែលធ្វើឲ្យអ្នកកើតមានបញ្ហាលើផ្នែកប្រព័ន្ធរំលាយអាហារ។ ហើយបើកាលណាអ្នកមានបញ្ហាការរំលាយអាហារ នោះអ្នកនឹងងាយកើតមានជំងឺធ្ងន់ធ្ងរជាច្រើនដូចជា ជំងឺបេះដូង ទឹកនោមផ្អែម និងជំងឺដាច់សរសៃឈាមខួរក្បាល ជាដើម។

៣. ប្រឈមនឹងជំងឺមហារីក

ផ្អែកលើការសិក្សាមួយរបស់សកលវិទ្យាល័យ Michigan State របស់សហរដ្ឋអាមេរិក បានរកឃើញថា មានប្រូតេអ៊ីនមួយប្រភេទត្រូវបានបញ្ចេញពីខ្លាញ់ក្បាលពោះ ហើយវាអាចប្រែក្លាយកោសិកាមិនមែនជាមហារីកឲ្យក្លាយជាកោសិកាមហារីកបាន។

៤. រងគ្រោះដោយសារជំងឺស្ទះសរសៃឈាមបេះដូង

ការសិក្សាមួយផ្សេងទៀតបានរកឃើញថា មានកោសិកាខ្លាញ់ម្យ៉ាងនៅក្នុងពោះអាចបង្កើតជាប្រូតេអ៊ីនប៉ុន្មានប្រភេទ ដែលអាចធ្វើឲ្យសរសៃឈាមរាំងស្ទះ ហើយបណ្ដាលឲ្យសម្ពាធឈាមកើនឡើងខ្ពស់ខុសប្រក្រតី។ បន្ថែមពីនេះ វាក៏នឹងធ្វើឲ្យអ្នកងាយរងគ្រោះដោយសារជំងឺដាច់សរសៃឈាមខួរក្បាល និងជំងឺគាំងបេះដូង ជាដើម។