ឆ្ងល់អត់ថា ចិនមានថ្ងៃពិសេសអ្វីនៅដើមខែតុលានេះ បានជាឈប់សម្រាករហូតដល់ ៨ថ្ងៃ?
- 2020-10-01 02:44:01
- ចំនួនមតិ 0 | ចំនួនចែករំលែក 0
ឆ្ងល់អត់ថា ចិនមានថ្ងៃពិសេសអ្វីនៅដើមខែតុលានេះ បានជាឈប់សម្រាករហូតដល់ ៨ថ្ងៃ?
ចន្លោះមិនឃើញ
នៅដើមខែតុលានេះ ប្រជាជនចិនរាប់លាននាក់ត្រូវបានរំពឹងថា នឹងធ្វើដំណើរកម្សាន្តនៅទូទាំងប្រទេស មិនខុសពីថ្ងៃចូលឆ្នាំចិនឡើយ ពោលគឺវាជាថ្ងៃឈប់សម្រាករយៈពេលដល់ទៅ ៨ថ្ងៃ (Golden Week) ដើម្បីអបអរថ្ងៃបុណ្យជាតិនៃការបង្កើត សាធារណរដ្ឋប្រជាមានិតចិន (១ តុលា ១៩៤៩ – ១ តុលា ២០២០)។
** ទាញយក App Kley Kley នៅលើ Android និង iOS ដើម្បីទទួលបានព័ត៌មានលឿនរហ័ស **
អ្វីដែលគួរឱ្យកត់សម្គាល់នោះ វាគឺជាថ្ងៃឈប់សម្រាកដ៏សំខាន់លើកដំបូងរបស់ចិន ក្នុងខណៈដែលកំពុងមានការរីករាលដាលនៃជំងឺកូវីដ១៩។ ដូច្នេះ ការធ្វើដំណើរកម្សាន្តក្នុងចំណោមមនុស្សដ៏ច្រើនសម្បើមនេះ ក៏នឹងបញ្ជាក់ពីសមត្ថភាពរបស់អាជ្ញាធរចិនបន្ថែមទៀតផងដែរ ចំពោះការគ្រប់គ្រងស្ថានភាពជំងឺឆ្លងនេះ។
ក្រសួងវប្បធម៌ និងទេសចរណ៍ចិន បានព្យាករថា មនុស្សប្រមាណ ៥៥០លាននាក់ នឹងធ្វើដំណើរកម្សាន្តក្នុងស្រុក អំឡុងថ្ងៃឈប់សម្រាកនេះ។
ក្នុងឱកាសដូចគ្នានេះ កាលពីឆ្នាំមុន មនុស្សប្រមាណ ៧៨២លាននាក់ បានធ្វើដំណើរកម្សាន្តក្នុងប្រទេស ដែលបង្កើតប្រាក់ចំណូលដល់វិស័យទេសចរណ៍ជាង ៩០ពាន់លានដុល្លារ៕