ខាងក្នុងភូមិគ្រឹះកណ្ដាលបឹង ដ៏ធំសម្បើមតម្លៃ ១៧លានដុល្លាររបស់ប្ដីប្រពន្ធ កុំកុំ

2020-10-08 02:35:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គេហដ្ឋានរបស់កំពូលតារាសម្ដែងប្រុសចិន Donnie Yen ត្រូវបានសាងសង់ឡើងតាមបែបទំនើបទាន់សម័យ ដោយគ្រប់គ្រឿងបរិក្ខាក្នុងផ្ទះសុទ្ធតែជាបច្ចេកវិទ្យាថ្មីទាំងអស់។

កាលពីថ្ងៃទី ៧ ខែតុលាមុននេះ បណ្ដាញព័ត៌មាន 163 បានចុះផ្សាយពីគេហដ្ឋានរបស់តារាសម្ដែងប្រុសល្បីឈ្មោះចិន Donnie Yan។ តាមនោះដែរ នៅពេលតារាសម្ដែងស្រីជើងចាស់ Rosamund Kwan ទៅលេងផ្ទះរបស់តារាប្រុសខាងលើ ក៏បង្ហោះវីដេអូគេហដ្ឋានរបស់ តួកុំកុំ ហើយបង្ហើបពីផ្ទះនេះតែម្ដង។

យោងតាមបណ្ដាញព័ត៌មាន Sina ភូមិគ្រឹះរបស់តួរឿង Mulan ត្រូវបានសង់ឡើងនៅកណ្ដាលបឹង និងដើមឈើព័ទ្ធជុំវិញ។ ខាងក្នុងគឺច្នៃឡើងដោយមានពណ៌ស្រគាំ បង្កើតបរិយាកាសកក់ក្ដៅ។ ផ្ទះមួយនេះចំណាយពេលសង់ ១៨ខែ និងអស់ថិវិការ ១៧លានដុល្លារ និងបានចូលនៅកាលពីឆ្នាំ ២០១៣។ ដោយគេហដ្ឋានខាងលើគឺជាកាដូ ដែលកុំកុំធ្វើជូនប្រពន្ធ។ ក្រៅពីផ្ទះនេះ តារាវ័យ ៥៧ឆ្នាំ ក៏មានផ្ទះចំនួន ៥កន្លែងផ្សេងទៀតផងដែរ។

ក្រៅពីមានស្វាមីដែលជាកំពូលតារាសម្ដែងនោះ ប្រពន្ធរបស់ Donnie Yen ត្រូវបានគេស្គាល់ថា ជារាជិនីលក់ពេជ្រ ដោយមានចំណូលមិនតិចជាងប្ដីឡើយ ប្រសិនបើមិនចង់និយាយថាច្រើនជាង។ ឆ្នាំ ២០២០ ទស្សនាវដ្ដី Forbes រៀបឲ្យតួកុំកុំ ជាប់លំដាប់តារាលំដាប់ ៥៨ក្នុងចំណោមតារាចិនទាំង១០០ដែលមានឥទ្ធិពលជាងគេ៕