គ្រោងឆ្អឹងដាយណូស័រពេញលេញមួយ លក់បានថ្លៃបំផុតហួសពីការរំពឹងទុក
- 2020-10-08 06:34:29
- ចំនួនមតិ 0 | ចំនួនចែករំលែក 0
គ្រោងឆ្អឹងដាយណូស័រពេញលេញមួយ លក់បានថ្លៃបំផុតហួសពីការរំពឹងទុក
ចន្លោះមិនឃើញ
គ្រោងឆ្អឹងដាយណូស័រមួយជាប្រភេទ T.Rex ឈ្មោះ Stan ត្រូវលក់បានក្នុងតម្លៃ ៣១,៨ លានដុល្លារ ដែលជាតម្លៃថ្លៃបំផុតក្នុងប្រវត្តិសាស្រ្ត និងហួសពីការរំពឹងទុក។
** ទាញយក App Kley Kley នៅលើ Android និង iOS ដើម្បីទទួលបានព័ត៌មានលឿនរហ័ស **
គ្រោងឆ្អឹងអាយុកាលជាង ៦៧លានឆ្នាំនេះ ត្រូវបានដាក់បង្ហាញក្នុងទីតាំងមួយនៅក្រុងញ៊ូវយ៉ក ប៉ុន្តែការដេញថ្លៃធ្វើឡើងតាមអនឡាញ កាលពីយប់ថ្ងៃទី៦ ខែតុលា ឆ្នាំ២០២០ ដោយវាត្រូវបានប៉ាន់ស្មានដំបូងថា នឹងអាចលក់បានត្រឹម ៦ ទៅ ៨លានដុល្លារតែប៉ុណ្ណោះ។ អ្នកដេញថ្លៃទិញបានគ្រោងឆ្អឹងនេះ មិនត្រូវបានគេបញ្ជាក់អត្តសញ្ញាណឡើយ។
ដាយណូស័រ STAN នេះ បើវាឈរគឺមានកម្ពស់ជិត ៤ម៉ែត្រ និងប្រវែងជាង ១២ម៉ែត្រ (បូកទាំងកន្ទុយ) និងទម្ងន់ពី ៧ ទៅ ៨តោន។ គ្រោងឆ្អឹងសរុបមានចំនួន ១៨៨ឆ្អឹង ដែលធ្វើឱ្យវាក្លាយជាដាយណូស័រប្រភេទ T. Rex ធំជាងគេបំផុត និងស្ទើរតែមានគ្រប់ឆ្អឹងពេញលេញទាំងអស់ ដែលត្រូវបានរកឃើញ។
ទោះជាយ៉ាងណា ឆ្អឹងដាយណូស័រនេះ មិនមែនត្រូវបានរកឃើញទាំងមូលបែបនេះឡើយ ពោលគឺរកឃើញម្តងមួយផ្នែក ហើយយកមកផ្គុំគ្នា។ ក្នុងនោះ ឆ្អឹងដំបូង ត្រូវបានរកឃើញនៅតំបន់ Hell Creek Formation ស្ថិតនៅភាគខាងជើងអាមេរិក ក្នុងឆ្នាំ១៩៨៧៕