អតីតប្រធានាធិបតីអាមេរិក លោក បារ៉ាក់ អូបាម៉ា បាន​លើកឡើង​ថា ពេល​លោក ចូ បៃឌិន ចូលកាន់តំណែង​ជាប្រធានាធិបតីអាមេរិកទី៤៦ផ្លូវការ នៅខែមករា ឆ្នាំ​២០២១ខាងមុខនេះ នឹង​ប្រឈមមុខរឿង ៤យ៉ាងរួមមាន៖ ជំងឺរាតត្បាត (កូវីដ១៩), សេដ្ឋកិច្ចអសមភាព និងប្រព័ន្ធយុត្តិធម៌, ប្រជាធិបតេយ្យ​ដែល​កំពុងស្ថិតក្នុងហានិភ័យ និង​បញ្ហាអាកាសធាតុ​ដែលស្ថិតក្នុងគ្រោះថ្នាក់។ លោក​បាន​បង្ហាញ​ដូច្នេះ ក្នុងបណ្តាញសង្គមហ្វេសប៊ុករបស់លោក កាលពីយប់មិញ ក្រោយដឹងលទ្ធផលបោះឆ្នោតភ្លាមៗ។

លោក​អូបាម៉ា សរសេរថា «ខ្ញុំ​មិនមាន​មោទនភាព​ដើម្បអបអរ​ប្រធានាធិបតី​បន្ទាប់របស់​យើង គឺ ចូ បៃឌិន នោះឡើយ ហើយក៏មិន​មានមោទនភាព​អបអរសាទរ​អនុប្រធានាធិបតីបន្ទាប់របស់យើង គឺលោកស្រី កាម៉ាឡា ហារីស​នោះដែរ»។

លោកបន្តថា៖ «នៅក្នុងការបោះឆ្នោត ដែលស្ថិតក្នុងកាលទេសៈ​មិនធ្លាប់ជួបនេះ ប្រជាជន​យ៉ាង​ច្រើន​បានចេញទៅបោះឆ្នោត មិនធ្លាប់ឃើញ»។

យ៉ាងណាមិញ លោក​ជឿជាក់ថា លោក បៃឌិន នឹង​ធ្វើការដោយបេះដូង ដើម្បី​ផលប្រយោជន៍ប្រជាជនអាមេរិក មិនខ្វល់ថាអ្នកណាបោះឆ្នោត ឬមិនបោះឆ្នោតឱ្យនោះទេ ពោលគឺ​លោកបាន​លើកទឹកចិត្ត​ឱ្យ​ប្រជាជនអាមេរិក ផ្តល់ឱកាស​ឱ្យ​លោក បៃឌិន បញ្ចេញ​ស្នាដៃ៕