មូលហេតុនេះហើយទើបលោក ពូទីន អត់ទាន់ហ៊ានអបអរលោក បៃឌិន!
- 2020-11-10 06:55:26
- ចំនួនមតិ 0 | ចំនួនចែករំលែក 0
មូលហេតុនេះហើយទើបលោក ពូទីន អត់ទាន់ហ៊ានអបអរលោក បៃឌិន!
ចន្លោះមិនឃើញ
ខុសពីមេដឹកនាំពិភពលោកមួយចំនួន លោកប្រធានាធិបតីរុស្ស៊ី វ្លាឌីមៀ ពូទីន នឹងមិនទាន់ប្រកាសអបអរសាទរលោក ចូ បៃឌិន ដែលឈ្នះឆ្នោតក្លាយជាប្រធានាធិបតីអាមេរិកនោះឡើយ ព្រោះលោក ពូទីន ត្រូវរង់ចាំលទ្ធផលជាផ្លូវការសិន។ នេះបើតាមការបញ្ជាក់របស់វិមានក្រេមលីន កាលពីថ្ងៃទី៩ ខែវិច្ឆិកា ឆ្នាំ២០២០។
លោក Dmitry Peskov អ្នកនាំពាក្យវិមានក្រេមលីន បានថ្លែងទៅកាន់អ្នកកាសែតយ៉ាងដូច្នេះថា៖ «ក្នុងការឆ្លើយនឹងសំណួរអំពីការអបអបរសាទររបស់លោកពូទីន ជូនចំពោះប្រធានាធិបតីអាមេរិកដែលទើបជាប់ឆ្នោត ខ្ញុំចង់និយាយថា យើងពិចារណាថា មានតែការរង់ចាំលទ្ធផលជាផ្លូវការ»។
កាលពីឆ្នាំ២០១៦ នៅពេលដែលដឹងលទ្ធផលថា លោក ដូណាល់ ត្រាំ ឈ្នះឆ្នោតហើយភ្លាម លោក ពូទីន បានផ្ញើសារអបអរសាទរភ្លាមៗ ប៉ុន្តែលើកនេះខុសគ្នា។ បើតាមលោក Peskov ស្ថានភាពអាមេរិកបច្ចុប្បន្ន ក្រោយពេលបោះឆ្នោតនេះ គឺស្មុគ្រស្មាញខ្លាំង ម្លោះហើយអ្វីដែលល្អបំផុត គឺរង់ចាំលទ្ធផលចេញផ្លូវការតែម្តង។
អ្នកនាំពាក្យរូបនេះ បញ្ជាក់ថា ប្រធានាធិបតីរុស្ស៊ី មានឆន្ទៈធ្វើការជាមួយគ្រប់ប្រធានាធិបតី ហើយសង្ឃឹមថានឹងបង្កើតកិច្ចសន្ទនាជាមួយអាមេរិក៕