ដឹងទេ អ្នកមានសាក់ក៏ធ្វើជាប៉ូលិសនៅកូរ៉េបានដែរ តែត្រូវគោរពលក្ខខណ្ឌ២?
- 2020-11-24 06:25:07
- ចំនួនមតិ 0 | ចំនួនចែករំលែក 0
ដឹងទេ អ្នកមានសាក់ក៏ធ្វើជាប៉ូលិសនៅកូរ៉េបានដែរ តែត្រូវគោរពលក្ខខណ្ឌ២?
ចន្លោះមិនឃើញ
ប្រជាជននៃប្រទេសកូរ៉េខាងត្បូង ដែលមានស្នាមសាក់នៅលើដងខ្លួន ក៏ត្រូវបានផ្ដល់សិទ្ធិឲ្យចូលប្រឡងធ្វើជាប៉ូលិសផងដែរ។ នេះបើយោងតាមច្បាប់ថ្មីស្ដីពីការជ្រើសរើសបេក្ខភាពប៉ូលិសនៅក្នុងប្រទេសកូរ៉េខាងត្បូង។
យ៉ាងណាមិញ បេក្ខភាពដែលចូលរួម ហើយមានស្នាមសាក់នៅខ្លួន ត្រូវប្រតិបត្តិតាមលក្ខខណ្ឌចំនួន២របស់ក្រុមប៉ូលិស ដែលនោះសំដៅទៅលើកន្លែងដែលចាក់សាក់ និងអត្ថន័យនៃស្នាមសាក់។ ទីភ្នាក់ងារប៉ូលិសជាតិកូរ៉េ បានប្រកាសថា ស្នាមសាក់នឹងត្រូវបានអនុញ្ញាត បើវាមិនបង្ហាញអត្ថន័យហិង្សា រើសអើង ឬក៏អាសអាភាសនោះឡើយ។ មួយវិញទៀត បេក្ខភាពត្រូវប្រាកដយ៉ាងណាកុំឲ្យមានឃើញស្នាមសាក់នៅលើដងខ្លួនឲ្យសោះ នៅពេលពាក់ឯកសណ្ឋានការងារ ពោលគឺស្នាមសាក់ត្រូវបិទបាំងឲ្យជិតដោយឯកសណ្ឋានប៉ូលិស។
សូមបញ្ជាក់ថា គណៈកម្មាធិការកែទម្រង់បទប្បញ្ញត្តិដែលស្ថិតនៅក្រោមការិយាល័យសម្របសម្រួលគោលនយោបាយរដ្ឋាភិបាលកូរ៉េ បានសម្រេចកែប្រែច្បាប់ថ្មីទាក់ទងនឹងស្នាមសាក់នៅពេលប្រឡងប៉ូលិសចាប់តាំងពីឆ្នាំ២០១៦មកម៉្លេះ តែទើបត្រូវប្រកាសនៅឆ្នាំ២០២០នេះ ហើយការអនុវត្តវិញនឹងចាប់ផ្ដើមនៅឆ្នាំ២០២១ក្រោយ៕