IU ចាយលើអ្វីខ្លះជាមួយទ្រព្យសម្បត្តិជាង ២៨លានដុល្លារ?
- 2020-12-01 03:34:00
- ចំនួនមតិ 0 | ចំនួនចែករំលែក 0
IU ចាយលើអ្វីខ្លះជាមួយទ្រព្យសម្បត្តិជាង ២៨លានដុល្លារ?
ចន្លោះមិនឃើញ
មុនពេលក្លាយជាតារាចម្រៀងទោលជោគជ័យបំផុតក្នុងវិស័យសិល្បៈចម្រៀង KPOP តារាចម្រៀងស្រីកូរ៉េ IU ធ្លាប់រស់នៅក្នុងផ្ទះដែលមានសុទ្ធតែសត្វកន្លាត រីឯឪពុកម្ដាយត្រូវប្ដូរផ្ទះជាប្រចាំព្រោះគ្មានលុយបង់ផ្ទះ។
បណ្ដាញព័ត៌មាន SCMP បានរាយការណ៍ថា នៅពេលបច្ចុប្បន្ន តារាចម្រៀងស្រីវ័យ ២៧ឆ្នាំ IU មានទ្រព្យសម្បត្តិសរុប ២៨លានដុល្លារ។ មនុស្សជាច្រើនបានមានចម្ងល់ថា ចំពោះនារីវ័យក្មេងដែលធ្លាប់មានប្រវត្តិកម្សត់កម្រដូច IU នឹងចាយលើអ្វីខ្លះជាមួយចំនួនដល់ច្រើនបែបនេះ។ ខាងក្រោមនេះគឺជាចំណាយនានាដែលតួរឿង Hotel De Luna ចំណាយលុយលើ។
វិនិយោគអចលនទ្រព្យ
នៅឆ្នាំ ២០១៨ IU ទិញអគារមួយតម្លៃ ៣.៩លានដុល្លារនៅតំបន់ Gwacheon ក្រោយនោះមិនយូរប៉ុន្មាននាងបន្តទិញផ្ទះកម្ពស់២ជាន់នៅ Yangpyeong តម្លៃ ២.៥លានដុល្លារ។ ទន្ទឹមនឹងនោះដែរ នាងបានទិញដីមួយកន្លែងតម្លៃ ៦៤ម៉ឺនដុល្លារ នៅតំបន់ដដែរ។ ក្រុមហ៊ុនរបស់ម្ចាស់បទ Good Day បានឲ្យដឹងថា ដីនេះគឺសម្រាប់គ្រួសារនាងសម្រាកនាពេលចុងសប្ដាហ៍។
ធ្វើសប្បុរសធម៌
ដោយសារតែធំដឹងក្ដីក្នុងភាពទាល់ក្រ ស្រីស្អាតកើតឆ្នាំ ១៩៩៣ យល់ច្បាស់បំផុតពីការអត់លុយ ដែលធ្វើឲ្យនាងចំណាយលុយជាច្រើនលើការបរិច្ចាគ។ កាលពីថ្ងៃបុណ្យសិទ្ធិកុមារកូរ៉េកាលពីខែឧសភាមុននេះ IU បានបរិច្ចាគលុយ ៩ម៉ឺនដុល្លារ ដល់កុមារដែលរស់ក្នុងគ្រួសារដែលមានចំណូលទាប។ បន្ថែមពីនេះ នាងក៏បានបរិច្ចាគ៨ពាន់ដុល្លារ ដល់កុមារដែលរស់នៅជាមួយឪពុកម្ដាយដែល លែងលះគ្នា។
ជារៀងរាល់ឆ្នាំ នៅថ្ងៃកំណើតរបស់ខ្លួន IU តែងបរិច្ចាគដល់មនុស្សចាស់ដែលគ្មានជំរកជ្រកកោនចំនួន ១០ម៉ឺនដុល្លារ។ ក្រៅពីនេះ នាងក៏បរិច្ចាគដល់សិស្សានុសិស្សដែលចង់រៀនបន្តតែគ្មានសមត្ថភាពចំនួន ១៧០០០ដុល្លារ។ នៅពេលកូវីដផ្ទុះឡើងនៅកូរ៉េ នាងបានបរិច្ចាគ ១៦៨០០ដុល្លារដល់គ្រួសារនានាដែលរងផលប៉ះពាល់ដោយសារជំងឺនេះ៕