ថៃ រកឃើញថាអំពើពុករលួយនៅព្រំដែនបណ្តាលឱ្យផ្ទុះកូវីដនៅខេត្ត សាមុត សាខន

2020-12-24 06:29:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រដ្ឋាភិបាលថៃ បានចាប់ផ្តើមបោសសម្អាតមន្រ្តីពុករលួយនៅតាមព្រំដែន ដែលបណ្តាលឱ្យមានការផ្ទុះជំងឺកូវីដ១៩ នៅក្នុងខេត្តសាមុត សាខន។

នាយករដ្ឋមន្រ្តីថៃ លោក ប្រាយុទ្ធ ចាន់អូចា កាលពីថ្ងៃទី២៣ ខែធ្នូ ឆ្នាំ២០២០ បានបញ្ជាឱ្យអនុរដ្ឋមន្រ្តីការពារជាតិលោក Chaichan Changmongkol ដឹកនាំការបង្ក្រាប និងចាប់ខ្លួនមន្រ្តីថៃពុករលួយ ដែលបើកដៃឱ្យជនអន្តោប្រវេសន៍ចូលក្នុងប្រទេស។

ប្រទេសថៃ មានការិយាល័យអន្តោប្រវេសន៍៦កន្លែង និងចំណុចត្រួតពិនិត្យ ៩៣កន្លែង ដើម្បីត្រួតពិនិត្យអ្នកឆ្លងកាត់ព្រំដែន ប៉ុន្តែមានការយាមកាមទន់ខ្សោយ ចំពោះច្រករបៀង ដែលបណ្តាលឱ្យមានការជួញដូរពលករចំណាកស្រុក។

ចំណុចព្រំដែនដែលមានការពាក់ព័ន្ធខ្លាំងជាងគេ គឺស្ថិតក្នុងខេត្តឆៀងរ៉ៃ និងខេត្តរ៉ាណុង ដែលជាប់ព្រំដែនមីយ៉ាន់ម៉ា៕

ប្រភព៖ The Nation