មន្ទីរពេទ្យមួយកន្លែងនៅក្រុងបាងកក ប្រកាសលក់វ៉ាក់សាំងកូវីដ តម្លៃជាង ១៣២ដុល្លារ
- 2020-12-28 03:38:37
- ចំនួនមតិ 0 | ចំនួនចែករំលែក 0
មន្ទីរពេទ្យមួយកន្លែងនៅក្រុងបាងកក ប្រកាសលក់វ៉ាក់សាំងកូវីដ តម្លៃជាង ១៣២ដុល្លារ
ចន្លោះមិនឃើញ
មន្ទីរពេទ្យឯកជនមួយកន្លែងនៅក្រុងបាងកក ប្រទេសថៃ បានប្រកាសផ្សព្វផ្សាយលក់ខុសច្បាប់វ៉ាក់សាំងបង្ការកូវីដ១៩ ក្នុងតម្លៃ ៤ពាន់បាត (ឬជាង ១៣២ដុល្លារ) ក្នុងមនុស្សម្នាក់ សម្រាប់អតិថិជន ១ពាន់នាក់ដំបូង ដែលបានកក់មុនថ្ងៃទី៣១មករា ខណៈដែលថៃ មិនទាន់អនុញ្ញាតឱ្យប្រើវ៉ាក់សាំងណាមួយនៅឡើយទេ។
លោក Thares Krainairawiwong ប្រធាននាយកដ្ឋានគាំទ្រសេវាសុខាភិបាល បានថ្លែងទៅកាន់អ្នកសារព័ត៌មានកាលពីថ្ងៃទី២៧ ខែធ្នូ ឆ្នាំ២០២០ថា នាយកដ្ឋានរបស់លោកបានទាក់ទងទៅខាងមន្ទីរពេទ្យហើយ ដោយបញ្ជាឱ្យដកការផ្សព្វផ្សាយនោះចេញវិញ។
លោកបន្តថា នាយកដ្ឋាននឹងបើកការស៊ើបអង្កេតចំពោះមន្ទីរពេទ្យនេះ ដែលបានបំពានច្បាប់ក្នុងការផ្សព្វផ្សាយដែលគ្មានការអនុញ្ញាត និងផ្តល់ព័ត៌មានខុស ដែលនាំឱ្យមានការយល់ច្រលំអំពីប្រតិបត្តិការរបស់ស្ថាប័នសុខាភិបាល។
ប្រធាននាយកដ្ឋានខាងលើ លើកឡើងថា រហូតមកដល់ពេលនេះ រដ្ឋបាលឱសថ និងចំណីអាហារថៃ (FDA) មិនទាន់បានអនុម័តឱ្យប្រើវ៉ាក់សាំងកូវីដ១៩ ក្នុងប្រទេសនោះទេ៕