ថានៅអង់គ្លេស ផ្ទុះវីរុសបំលែងថ្មី ឥឡូវនៅជប៉ុន រកឃើញកូវីដ១៩ប្រភេទថ្មីមួយផ្សេងទៀត!
- 2021-01-11 07:04:32
- ចំនួនមតិ 0 | ចំនួនចែករំលែក 0
ថានៅអង់គ្លេស ផ្ទុះវីរុសបំលែងថ្មី ឥឡូវនៅជប៉ុន រកឃើញកូវីដ១៩ប្រភេទថ្មីមួយផ្សេងទៀត!
ចន្លោះមិនឃើញ
វិទ្យាស្ថានជាតិជំងឺឆ្លងរបស់ជប៉ុន បានបញ្ជាក់កាលពីថ្ងៃទី១០ ខែមករា ឆ្នាំ២០២១ថា អាជ្ញាធរបានរកឃើញករណីឆ្លងវីរុសកូវីដ១៩ប្រភេទថ្មីមួយទៀត ដែលស្រដៀងនឹងវីរុសកូវីដ១៩បំលែងថ្មី ដែលផ្ទុះនៅអង់គ្លេស និងអាហ្វ្រិខាងត្បូង។
ទោះជាយ៉ាងណា ស្ថាប័នជប៉ុននេះ នៅមិនទាន់អាចកំណត់បានថា វីរុសថ្មីនេះ វាឆ្លងតាមរបៀបណានោះទេ ហើយប៉ះពាល់ដល់ប្រសិទ្ធភាពវ៉ាក់សាំងឬអត់។
ក្រសួងសុខាភិបាលជប៉ុន ឱ្យដឹងថាករណីឆ្លងកូវីដ១៩ប្រភេទថ្មី កើតឡើងលើអ្នកដំណើរ ៤នាក់ មកពីប្រទេសប្រេស៊ីល នៅព្រលានយន្តហោះ Haneda កាលពីថ្ងៃទី២ ខែមករា ឆ្នាំ២០២១។
វិទ្យាស្ថានជាតិជំងឺឆ្លងរបស់ជប៉ុន បានជូនដំណឹងពីការរកឃើញប្រភេទវីរុសនេះ ទៅកាន់អង្គការសុខភាពពិភពលោកហើយ ខណៈខ្លួនកំពុងស៊ើបអង្កេតបន្ថែមទៀត ថាតើវានឹងបង្កឱ្យមានករណីឆ្លងធ្ងន់ធ្ងរខ្លាំងឬយ៉ាងណា៕