ខេត្ត២នៅថៃដែលជាប់កម្ពុជា នឹងទទួលបានការចាក់វ៉ាក់សាំងកូវីដ១៩មុនគេ
- 2021-01-11 08:10:41
- ចំនួនមតិ 0 | ចំនួនចែករំលែក 0
ខេត្ត២នៅថៃដែលជាប់កម្ពុជា នឹងទទួលបានការចាក់វ៉ាក់សាំងកូវីដ១៩មុនគេ
ចន្លោះមិនឃើញ
ខេត្តចំនួន៥របស់ប្រទេសថៃដែលកំពុងរងគ្រោះខ្លាំងដោយជំងឺកូវីដ១៩ គឺ សាមុត សាខន, ឈុន បុរី, រ៉ាយ៉ង និងខេត្ត២ដែលជាប់កម្ពុជា គឺ ចាន់ថាបុរី និងត្រាត នឹងទទួលបានការចាក់វ៉ាក់សាំងបង្ការជំងឺកូវីដ១៩ ក្នុងដំណាក់កាលទី១ ចាប់ពីខែកុម្ភៈ ដល់ខែមេសា ឆ្នាំ២០២១ សម្រាប់ប្រជាជនប្រមាណ ១,៣២លាននាក់ (២លានដូស)។ នេះបើតាមការចុះផ្សាយរបស់បាងកកប៉ុស្តិ៍នៅថ្ងៃ១១ ខែមករា ឆ្នាំ២០២១។
ដំណាក់កាលទី២ គិតពីខែឧសភា ដល់មិថុនា គឺថៃនឹងចាក់វ៉ាក់សាំង ២៦លានដូសដល់ជនងាយរងគ្រោះនៅទូទាំងប្រទេស។ ចុងក្រោយដំណាក់កាលទី៣ គឺនៅចុងឆ្នាំ២០២១ និងដើមឆ្នាំ២០២២ ថៃនឹងចាក់វ៉ាក់សាំងប្រមាណ ៣៥លានដូស ដល់ប្រជាជនទូទៅ។
សូមជម្រាបថា តាមការគ្រោងទុក ថៃ នឹងទទួលបានវ៉ាក់សាំងកូវីដ១៩ ពីក្រុមហ៊ុនចិន Sinovac Biotech ចំនួន២លានដូសនៅត្រឹមខែមេសាខាងមុខ។ ក្នុងនោះ ខែកុម្ភៈ ទទួលបាន ២០ម៉ឺនដូស, ខែមីនា ៨០ម៉ឺនដូស និងខែមេសា ១លានដូស។ វ៉ាក់សាំងចិននេះ គឺមានតម្លៃ ១៧ដុល្លារ (៥០៩បាត) ក្នុងមួយដូស។
ថៃ ក៏បានបញ្ជាទិញវ៉ាក់សាំងរបស់ក្រុមហ៊ុនអង់គ្លេស AstraZeneca ចំនួន ២៦លានដូស ដែលនឹងមកដល់នៅខែឧសភា ឆ្នាំ២០២១ខាងមុខផងដែរ ក្នុងតម្លៃសរុបប្រមាណ ៦ពាន់លានបាត (ជាង ២០០,៨លានដុល្លារ)។ លើសពីនេះ ថៃក៏ទើបតែសម្រេចចិត្ត និងបញ្ជាទិញវ៉ាក់សាំង ៣៥លានដូសបន្ថែមទៀសពីក្រុមហ៊ុនអង់គ្លេសនេះផងដែរ៕