ឥណ្ឌា សម្រេចផ្តល់វ៉ាក់សាំងកូវីដឱ្យប្រទេសចំនួន១២ ក្នុងនោះមានអាស៊ាន ២ប្រទេស
- 2021-01-19 02:22:38
- ចំនួនមតិ 0 | ចំនួនចែករំលែក 0
ឥណ្ឌា សម្រេចផ្តល់វ៉ាក់សាំងកូវីដឱ្យប្រទេសចំនួន១២ ក្នុងនោះមានអាស៊ាន ២ប្រទេស
ចន្លោះមិនឃើញ
រដ្ឋាភិបាលឥណ្ឌា កាលពីថ្ងៃទី១៨ ខែមករា ឆ្នាំ២០២១ បានសម្រេចផ្តល់ជំនួយវ៉ាក់សាំងបង្ការកូវីដ១៩ Covaxin របស់ក្រុមហ៊ុនក្នុងស្រុក Bharat Biotech ចំនួន ៨០,១ម៉ឺនដូស ឱ្យប្រទេស៧រួមមាន៖ មីយ៉ាន់ម៉ា, ហ្វីលីពីន, ម៉ុងហ្គោលី, អូម៉ង់, ម៉ាល់ឌីវ, បារែ៉ន និងម៉ារីធូស។
ចំណែកវ៉ាក់សាំងមួយប្រភេទទៀតគឺ Covishield ដែលជាការផលិតរួមគ្នារវាងវិទ្យាស្ថានជាតិឥណ្ឌា Serum និងក្រុមហ៊ុនអង់គ្លេស Oxford-AstraZeneca នឹងត្រូវផ្តល់ឱ្យប្រទេស ៥ រួមមាន៖ ប៊ូតាន់, អាហ្វហ្គានីស្ថាន, នេប៉ាល់, បង់ក្លាដែស និងសីឈីលេស។
សូមជម្រាបថា វ៉ាក់សាំងបង្ការកូវីដ១៩ ទាំងពីររបស់ឥណ្ឌានេះ គឺត្រូវបានយល់ព្រមឱ្យប្រើប្រាស់ក្នុងប្រទេស និងចាក់ឱ្យប្រជាជន ក្នុងកម្មវិធីចាក់វ៉ាក់សាំងជាទ្រង់ទ្រាយធំ ដែលបានចាប់ផ្តើមកាលពីថ្ងៃទី១៦ ខែមករា ឆ្នាំ២០២១៕
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
