រឿងធំៗដែលត្រាំបានធ្វើ ត្រូវបាន បៃឌិន ដកវិញទាំងអស់នៅថ្ងៃចូលកាន់តំណែងដំបូង
- 2021-01-21 02:45:29
- ចំនួនមតិ 0 | ចំនួនចែករំលែក 0
រឿងធំៗដែលត្រាំបានធ្វើ ត្រូវបាន បៃឌិន ដកវិញទាំងអស់នៅថ្ងៃចូលកាន់តំណែងដំបូង
ចន្លោះមិនឃើញ
គោលនយោបាយរបស់លោក ដូណាល់ ត្រាំ ដែលបានធ្វើក្នុងរយៈពេល ៤ឆ្នាំកន្លងមក ដូចជា ការដកខ្លួនពីកិច្ចព្រមព្រៀងអាកាសធាតុ អង្គការសុខភាពពិភពលោក ការសង់ជញ្ជាំងព្រំដែន និងការហាមឃាត់ជនមូស្លីមចូលប្រទេស គឺត្រូវបានប្រធានាធិបតីអាមេរិកថ្មី លោក ចូ បៃឌិន សម្រេចដកចេញវិញទាំងអស់ នៅថ្ងៃចូលកាន់តំណែងដំបូង។
ប៉ុន្មានម៉ោងប៉ុណ្ណោះ បន្ទាប់ពីស្បថចូលកាន់តំណែង លោក ចូ បៃឌិន បានចុះហត្ថលេខាលើក្រឹត្យចំនួន១៥។ លោកបញ្ជាក់ថា ក្នុងចំណោមក្រឹត្យទាំងនេះ គឺនឹងជួយផ្លាស់ប្តូរវិបត្តិកូវីដ១៩ ប្រយុទ្ធនឹងការប្រែប្រួលអាកាសធាតុ។
លោកបានចុះហត្ថលេខាចេញបញ្ជាឱ្យបុគ្គលិកសហព័ន្ធពាក់ម៉ាស់គ្រប់គ្នា នៅគ្រប់ទីកន្លែងនៃអគាររបស់រដ្ឋ បង្កើតការិយាល័យសេតវិមានថ្មីដែលសម្របសម្រួលឆ្លើយតបនឹងវីរុសកូរ៉ូណា ហើយផ្អាកដំណើរការនៃការដកខ្លួនចេញពីអង្គការសុខភាពពិភពលោក (មានន័យថា ចូលរួមឡើងវិញ)។
ក្នុងក្រឹត្យនេះ លោក បៃឌិន បានសម្រេចបញ្ឈប់ការផ្តល់មូលនិធិសម្រាប់សង់ជញ្ជាំងព្រំដែនជាមួយប្រទេសម៉ិចស៊ីកូ និងបញ្ចប់ការហាមឃាត់ការធ្វើដំណើរដែលមកពីប្រទេសមូស្លីមមួយចំនួន៕