ធ្ងន់កជាង Fan Bingbing ទៀត Zheng Shuang អាចត្រូវសងបំណុលគេ ១៤០លានដុល្លារ

2021-01-28 02:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកដឹកនាំរឿង Zhu Guo បានសន្និដ្ឋានថា ជាមួយភាពយន្ត៤រឿង គួបផ្សំនឹងកុងត្រាជាច្រើននោះ តារាសម្ដែងស្រីល្បីឈ្មោះចិន Zheng Shuang អាចនឹងត្រូវសងលុយគេសរុបចំនួន ១៤០លានដុល្លារ។

កាលពីថ្ងៃទី ២៧ ខែមករាកន្លងទៅនេះ បណ្ដាញព័ត៌មាន QQ បានឲ្យដឹងថា អ្នកដឹកនាំរឿង Zhu Guo បានពិភាក្សាអំពីរឿងអាស្រូវជួលគេបង្កើតកូនហើយមិនទទួលយករបស់តារាសម្ដែងស្រី Zheng Shuang។ តាមនោះដែរ នេះគឺជារឿងអាស្រូវដ៏ធំបំផុតនៅក្នុងពិភពសិល្បៈចិន និងបិទផ្លូវទាំងស្រុងសម្រាប់ស្រីស្អាត៣០ឆ្នាំរូបនេះ។

តាមអ្នកដឹកនាំរឿងល្បីឈ្មោះនេះ Zheng Shuang ស្ថិតក្នុងតារាលំដាប់ជួរមុខដោយ តម្លៃខ្លួនរបស់នាងខ្ពស់ខ្លាំងបំផុត គឺប្រមាណ ១៥លានដុល្លារ សម្រាប់រឿងភាគ១។ យ៉ាងណាក្ដី ដោយសារតែរឿងអាស្រូវខាងលើ ក្រសួងពាក់ព័ន្ធបានបិទនាងមិនឲ្យបង្ហាញមុខនៅលើគ្រប់មធ្យោបាយទាំងអស់ ដែលរឿងមិនទាន់ចាក់ផ្សាយទាំង៤របស់នាង នឹងមិនត្រូវបានចាក់បញ្ចាំងជារៀងរហូត។

សម្រាប់រឿង១ ស្រីស្អាតកើតឆ្នាំ ១៩៩០ត្រូវសង ២០០លានយាន់ (៣០លានដុល្លារ) ដូចនេះហើយ សម្រាប់រឿង ៤ នាងត្រូវសង ១២០លានដុល្លារ។ គួបផ្សំជាមួយកុងត្រាចំនួន ១២នៅក្នុងដៃទៀត នាងត្រូវសងថែម២០លានដុល្លារទៀត ដែលសរុបទៅ ១៤០លានដុល្លារ។

តាមនោះដែរ នេះគឺជាតួលេខដែលត្រូវសងខ្ពស់បំផុតពីមុនមក ពោលគឺខ្ពស់ជាងចំនួន ១៣០លានដុល្លាររបស់ Fan Bingbing ដែលត្រូវពិន័យរឿងគេចពន្ធឆ្នាំ ២០១៨ទៅទៀត។ ទន្ទឹមនឹងការត្រូវសងលុយគេនេះ តួរឿង LOVE O2O បានប្រកាសលក់ខុនដូតម្លៃ២៣លានដុល្លារបស់ខ្លួនចេញហើយ ដោយសារអត់លុយរំលោះមួយខែជិត ១០ម៉ឺនដុល្លារ៕

ប្រភព៖ news.zing.vn ប្រែសម្រួល៖ Caramel