ខុនដូ Penthouse តម្លៃ២៣លានដុល្លាររបស់ Zheng Shuang នៅតែលក់មិនទាន់ចេញ ទោះបញ្ចុះតម្លៃ
- 2021-02-04 02:45:00
- ចំនួនមតិ 0 | ចំនួនចែករំលែក 0
ខុនដូ Penthouse តម្លៃ២៣លានដុល្លាររបស់ Zheng Shuang នៅតែលក់មិនទាន់ចេញ ទោះបញ្ចុះតម្លៃ
ចន្លោះមិនឃើញ
ខុនដូលំដាប់ខ្ពស់របស់តារាសម្ដែងស្រីល្បីឈ្មោះចិន Zheng Shuang ទើបតែទិញបានប្រមាណមួយខែ ក៏ត្រូវប្រញាប់លក់ចេញដើម្បីសងបំណុលគេ។
កាលពីថ្ងៃទី ៣ ខែកុម្ភៈកន្លងទៅនេះ បណ្ដាញព័ត៌មាន Sina បានរាយការណ៍ថា ខុនដូនៅកណ្ដាលទីក្រុងសៀងហៃរបស់តារាសម្ដែងស្រីល្បីឈ្មោះ Zheng Shuang នៅតែលក់មិនទាន់ចេញ ដោយសារតែរឿងអាស្រូវរបស់នាងផ្ទាល់។
ជាក់ស្ដែងតួរឿង LOVE O2O បានទិញផ្ទះលំដាប់ខ្ពស់នេះកាលពីថ្ងៃទី ៨ ខែមករា ដោយនាងបានសរសេរយ៉ាងមោទកភាពចំពោះសមិទ្ធិផលរបស់ខ្លួនថា៖ ឆ្នាំ២០២១ ចាប់ផ្ដើមជីវិតឯករាជ្យ។ តាមនោះដែរ ទាំងថ្លៃផ្ទះ និងថ្លៃរៀបចំខាងក្នុងអស់ ២៣លានដុល្លារ។
យ៉ាងណាក្ដី នៅថ្ងៃទិ ១៨ ខែមករា អតីតមិត្តប្រុសរបស់នាងលោក Zhang Heng បានចេញមុខបកអាក្រាតនាងថាជួលគេបង្កើតកូន តែមិនទទួលស្គាល់ដែលធ្វើឲ្យអាជីពការងាររបស់នាង រលំទាំងស្រុងក្នុងមួយប៉ព្រិចភ្នែក។
ដោយសារតែ ត្រូវសងថ្លៃកុងត្រាគេច្រើន ស្រីស្អាត៣០ឆ្នាំ ត្រូវដាច់ចិត្តបង្ខំលក់ផ្ទះនេះចេញ ដោយលក់តម្លៃត្រឹមតែ ២០លានដុល្លារ។ យ៉ាងណាក្ដី ទោះបីជាមានតម្លៃទាបជាងទីផ្សារច្រើន តែដោយសារគេជឿថាផ្ទះនេះមានហុងស៊ុយមិនល្អ ទើបមកដល់ពេលនេះ នៅតែលក់មិនទាន់ចេញ។
មុននោះដែរ មានព័ត៌មានបង្ហើបថា ដោយសារទ្រាំនឹងសម្ពាធមិនបាន តារាកើតឆ្នាំ ១៩៩១ បានធ្វើអត្តឃាត ប៉ុន្តែឪពុករបស់នាងបានចេញមុខបកស្រាយថា នេះមិនមែនជាព័ត៌មានពិតឡើយ៕