រដ្ឋមន្រ្តីការបរទេសប៉េរូ លួចចាក់វ៉ាក់សាំង Sinopharm ដឹងអត់ថាចុងក្រោយមានរឿងអីកើតឡើង?
- 2021-02-15 06:45:07
- ចំនួនមតិ 0 | ចំនួនចែករំលែក 0
រដ្ឋមន្រ្តីការបរទេសប៉េរូ លួចចាក់វ៉ាក់សាំង Sinopharm ដឹងអត់ថាចុងក្រោយមានរឿងអីកើតឡើង?
ចន្លោះមិនឃើញ
រដ្ឋមន្រ្តីការបរទេសប៉េរូ លោកស្រី Elizabeth Astete បានលាលែងពីតំណែងហើយ ក្រោយផ្ទុះរឿងអាស្រូវថា លោកស្រីបានចាក់វ៉ាក់សាំងកូវីដ១៩ Sinopharm មុនកម្មវិធីចាក់វ៉ាក់សាំងចាប់ផ្តើម។
សូមជម្រាបថា ប្រទេសប៉េរូ បានចាប់ផ្តើមយុទ្ធនាការចាក់វ៉ាក់សាំងកូវីដ១៩ Sinopharm នៅថ្ងៃទី៨ ខែកុម្ភៈ ឆ្នាំ២០២១ ប៉ុន្តែលោកស្រី Elizabeth Astete បានលួចទៅចាក់វ៉ាក់សាំងនេះនៅថ្ងៃទី ២២ ខែមករា។ យ៉ាងណាមិញ លោកស្រីបានទទួលស្គាល់ថានេះគឺជាកំហុសដ៏ធ្ងន់ធ្ងរ។
ចំពោះករណីនេះ ប្រធានាធិបតីប៉េរូ លោក Franciso Sagasti បានបង្ហាញការខឹងសម្បារយ៉ាងខ្លាំងទៅលើរដ្ឋមន្រ្តីការបរទេសខាងលើ។
គួរដឹងថា លោកស្រី Elizabeth Astete គឺជារដ្ឋមន្រ្តីទីពីរនៃប្រទេសប៉េរូដែលបានលាលែងពីតំណែងជុំវិញរឿងវ៉ាក់សាំងនេះ បន្ទាប់ពីលោក Pilar Mazzetti រដ្ឋមន្រ្តីសុខាភិបាល ដែលបានចុះចេញពីតំណែងក្រោយមានព័ត៌មានថា អតីតប្រធានាធិបតីលោក Martin Vizcarra បានវ៉ាក់សាំងកូវីដ១៩ កាលពីខែតុលា៕