រឿងវ៉ាក់សាំង! រដ្ឋមន្រ្តីចិន វ៉ាង យី ស្តីបន្ទោសប្រទេសគេ ហើយលើកតម្កើងប្រទេសខ្លួន

2021-02-19 01:41:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រដ្ឋមន្រ្តីការបរទេសចិន វ៉ាង យី បានស្តីបន្ទោសដល់ប្រទេសអ្នកមានធំៗ (ប្រហែលសំដៅទៅអាមេរិក) ដែលបានស្តុកទុកវ៉ាក់សាំងយ៉ាងច្រើនក្រាស់ក្រែលសម្រាប់តែប្រជាជនរបស់ពួកគេ ជាហេតុធ្វើឱ្យប្រទេសក្រីក្រ មិនបានទទួលនូវវ៉ាក់សាំង ហើយលោកបានលើកឡើងថា ចិនបានចូលរួមចំណែកចែកចាយវ៉ាក់សាំងដល់ប្រទេសជាច្រើន រួមទាំងដល់មជ្ឈមណ្ឌល COVAX ផងដែរ។

ថ្លែងក្នុងកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិតាមប្រព័ន្ធវីដេអូកាលពីថ្ងៃទី១៨ ខែកុម្ភៈ ឆ្នាំ២០២១ លោក វ៉ាង យី បានលើកឡើងយ៉ាងដូច្នេះថា៖

«វ៉ាក់សាំងបានធ្លាក់ចូលកណ្តាប់ដៃប្រទេសអ្នកមានយ៉ាងរហ័ស និងបរិមាណដ៏ច្រើន ហើយនៅសល់តិចតួចសម្រាប់ប្រទេសក្រីក្រ។ នេះបណ្តាលឱ្យមានការបែងចែកប្រព័ន្ធភាពសុំា និងបង្កឱ្យមានការបែងចែករវាងប្រទេសអ្នកមាន និងអ្នកក្រ។ យើងគួរតែរួមគ្នាប្រឆាំងនឹងវ៉ាក់សាំងជាតិនិយម ជំរុញការបែងចែកវ៉ាក់សាំងដោយស្មើភាពគ្នា ជាពិសេសគឺត្រូវមានសម្រាប់ឱ្យប្រទេសក្រីក្រ ដោយរួមទាំងប្រទេសកំពុងមានសង្គ្រាមផងដែរ»។

បើតាមលោក វ៉ាង យី អះអាងថា ចិន បានផ្តល់វ៉ាក់សាំងប្រមាណ ១០លានដូស ឱ្យ COVAX ដើម្បីបំពេញតម្រូវប្រទេសកំពុងអភិវឌ្ឍន៍។ ចិនក៏បានបរិច្ចាគវ៉ាក់សាំងទៅដល់ប្រទេស ៥៣រួចមកហើយ និងកំពុងនាំចេញ (លក់) ទៅប្រទេសចំនួន២២។ លោកបញ្ជាក់ថា ការបែងចែកវ៉ាក់សាំងរបស់ចិន មិនពាក់ព័ន្ធនឹងភូមិសាស្រ្តនយោបាយអ្វីឡើយ៕

ប្រភព៖ CGTN