សោកស្ដាយណាស់ តារាជើងចាស់ហុងកុងម្នាក់ទៀតគឺ លោក Liu Kai Chi បានទទួលមរណភាពហើយ
- 2021-03-31 01:33:49
- ចំនួនមតិ 0 | ចំនួនចែករំលែក 0
សោកស្ដាយណាស់ តារាជើងចាស់ហុងកុងម្នាក់ទៀតគឺ លោក Liu Kai Chi បានទទួលមរណភាពហើយ
ចន្លោះមិនឃើញ
តារាសម្ដែងហុងកុងវ័យ ៦៦ឆ្នាំ លោក Liu Kai Chi បានទទួលមរណភាពហើយកាលពីថ្ងៃទី២៨ ខែមីនា ឆ្នាំ២០២១ ក្រោយជំងឺមហារីកក្រពះធ្វើទុក្ខខ្លាំងតាំងពីខែធ្នូ ឆ្នាំមុនមក។
កាលពីថ្ងៃអាទិត្យសប្ដាហ៍មុនតារាជើងចាស់រូបនេះបានលាចាកលោកហើយនៅមន្ទីរពេទ្យ Prince of Wales Hospital ប្រចាំហុងកុង ដោយបន្សល់ទុកនូវការអាឡោះអាល័យក្រៃលែងពីគ្រួសារ មិត្តភ័ក្តិ និងអ្នកគាំទ្រ។
ទោះបីមានការមើលថែដិតដល់ពីភរិយាជាទីស្រឡាញ់ គឺតារាសម្ដែង Barbara Chan Man Yee ព្រមទាំងកូនប្រុសទាំង ២ និងមានការយកចិត្តទុកដាក់ពីក្រុមគ្រូពេទ្យយ៉ាងណាក្ដី ប៉ុន្តែដោយសារសភាពជំងឺរបស់លោកដាបខ្លាំង ទើបមិនអាចសង្គ្រោះបាន។
ទាក់ទងនឹងដំណឹងមរណភាពរបស់លោក ខាងផលិតកម្មបាននិយាយថា ក្រុមគ្រួសារលោកសូមថ្លែងអំណរគុណចំពោះបុគ្គលិកមន្ទីរពេទ្យដែលបានចំណាយពេលមើលថែ យ៉ាងយកចិត្តទុកដាក់ចំពោះលោក Liu កន្លងមកនេះ ហើយក៏អរគុណដល់បណ្ដាញផ្សព្វផ្សាយ និងមហាជនដែលបារម្ភ និងចង់ដឹងពីស្ថានភាពរបស់តារាប្រុសរូបនេះកន្លងមក៕
ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត