ជយលាភីបវរកញ្ញាហុងកុង១០រូប ដែលអាចបង្កើតក្រុមគ្រួសារយ៉ាងកក់ក្ដៅ
- 2021-04-06 00:16:22
- ចំនួនមតិ 0 | ចំនួនចែករំលែក 0
ជយលាភីបវរកញ្ញាហុងកុង១០រូប ដែលអាចបង្កើតក្រុមគ្រួសារយ៉ាងកក់ក្ដៅ
ចន្លោះមិនឃើញ
គិតក្នុងរយៈពេល៣០ឆ្នាំចុងក្រោយនេះ គេសង្កេតឃើញថា មានជយលាភីបវរកញ្ញាហុងកុងចំនួន១០រូប ដែលកំពុងស្ថិតនៅក្នុងចង្កោមក្រុមគ្រួសារដែលមានភាពកក់ក្ដៅ និងសុភមង្គលជាខ្លាំង។ ស្រីស្អាតទាំងប៉ុន្មានជំនាន់នេះ មានដូចការរៀបរាប់ខាងក្រោម៖
១. Anita Yuen ជយលាភីបវរកញ្ញាហុងកុងឆ្នាំ១៩៩០
Anita Yuen បានរៀបការជាមួយតារាសម្ដែង Julian Cheung Chi-lam កាលពីឆ្នាំ២០០១ ហើយបច្ចុប្បន្នពួកគេមានកូនប្រុសម្នាក់ឈ្មោះ Morton ដែលមានអាយុ១៤ឆ្នាំហើយ។
២. Winnie Young ជយលាភីបវរកញ្ញាហុងកុងឆ្នាំ១៩៩៥
ស្រីស្អាត Winnie Young បានលង់ស្នេហ៍បុរសជំនួញម្នាក់ឈ្មោះ Simon Wong ហើយពួកគេបានសម្រេចចិត្តរៀបការនៅក្នុងឆ្នាំ២០០៣។ បច្ចុប្បន្នអ្នកទាំង២មានកូនស្រីម្នាក់អាយុ១៥ឆ្នាំ និងកូនប្រុសម្នាក់អាយុ១៤ឆ្នាំ។
៣. Virginia Yung ជយលាភីបវរកញ្ញាហុងកុងឆ្នាំ១៩៩៧
ស្វាមីរបស់ Virginia Yung ជាអ្នកជំនួញម្នាក់ ហើយមានអាយុច្រើនជាងនាងដល់ទៅ២០ឆ្នាំឯណោះ។ អាយុមិនចោទជាបញ្ហាសម្រាប់ទំនាក់ទំនងស្នេហ៍រវាងប្ដីប្រពន្ធមួយគូនេះឡើយ។ Virginia មានកូនប្រុស២នាក់ ដោយម្នាក់អាយុ៥ឆ្នាំ ហើយម្នាក់ទៀតអាយុ២០ឆ្នាំ។
៤. Shirley Yeung ជយលាភីបវរកញ្ញាហុងកុងឆ្នាំ២០០១
ទោះចែកផ្លូវគ្នាពីមិត្តប្រុសសល់តែខ្លួនមួយ ក៏ Shirley Yeung នៅតែមានភាពរីករាយខ្លាំងនៅក្នុងក្រុមគ្រួសារដដែល ជាពិសេសគឺការដែលនាងអាចរស់នៅជាមួយកូនស្រីគួរឲ្យស្រឡាញ់ និងកូនប្រុសទើបកើតរបស់នាង។ ឪពុករបស់កូនស្រី Shirley Yeung មានឈ្មោះថា Andy Ng ប៉ុន្តែអត្តសញ្ញាណឪពុករបស់កូនប្រុសអាយុ១ខួបរបស់នាងមិនត្រូវបានបង្ហាញឲ្យគេឯងដឹងនោះឡើយ។
៥. Mandy Cho ជយលាភីបវរកញ្ញាហុងកុងឆ្នាំ២០០៣
ក្រោយរៀបការជាមួយបុរសជាអ្នកធនាគារមួយរូប Mandy Cho បានបង្កើតកូនចំនួន៣នាក់ ដោយក្នុងនោះមានស្រីម្នាក់ និងប្រុស២នាក់។
៦. Tracy Ip ជយលាភីបវរកញ្ញាហុងកុងឆ្នាំ២០០៥
អតីតបវរកញ្ញាឯករូបនេះ បានចងចំណងអាពាហ៍ពិពាហ៍ជាមួយស្ថាបត្យករមួយរូបឈ្មោះ Raymond Zhou នៅក្នុងឆ្នាំ២០១៥ ហើយបង្កើតបានកូនប្រុសចំនួន៣នាក់។
៧. Aimee Chan ជយលាភីបវរកញ្ញាហុងកុងឆ្នាំ២០០៦
Aimee Chan បានសាងចំណងស្នេហ៍ជាមួយមិត្តរួមអាជីពសម្ដែងដូចគ្នាគឺលោក Moses Chan។ ពួកគេបានរៀបការនៅឆ្នាំ២០១៣ ហើយមានកូនចំនួន៣នាក់។
៨. Kayi Cheung ជយលាភីបវរកញ្ញាហុងកុងឆ្នាំ២០០៧
ស្វាមីរបស់ Kayi Cheung មានឈ្មោះថា Nathan Lau មុខរបរជាគណនេយ្យករ។ ក្រុមគ្រួសារនេះមានកូនស្រីចំនួន ២នាក់។
៩. Carat Cheung ជយលាភីបវរកញ្ញាហុងកុងឆ្នាំ២០១២
Carat បានរៀបការជាមួយ Joe Kamho ដែលជាមេធាវីមួយរូប កាលពីឆ្នាំ២០១៦ និងបង្កើតកូនប្រុសបាន២នាក់។
១០. Grace Chan ជយលាភីបវរកញ្ញាហុងកុងឆ្នាំ២០១៣
បច្ចុប្បន្ន Grace និងស្វាមីជាតារាសម្ដែងល្បី Kevin Cheng មានកូនប្រុសចំនួន២នាក់៕