ចិនឆ្លើយតបវិញ រឿងស៊ើបអង្កេតរកប្រភពកូវីដដំណាក់កាលទី២
- 2021-07-28 08:32:51
- ចំនួនមតិ 0 | ចំនួនចែករំលែក 0
ចិនឆ្លើយតបវិញ រឿងស៊ើបអង្កេតរកប្រភពកូវីដដំណាក់កាលទី២
ចន្លោះមិនឃើញ
អ្នកនាំពាក្យបេសកកម្មចិនប្រចាំសហភាពអឺរ៉ុប បានធ្វើការឆ្លើយតបនឹងសេចក្តីថ្លែងការណ៍រួមដែលធ្វើឡើងដោយមន្រ្តីអឺរ៉ុប អាមេរិក អូស្ត្រាលី ជប៉ុន និងប្រទេសមួយចំនួន អំពីសំណើរបស់អង្គការសុខភាពពិភពលោក សម្រាប់ដំណាក់កាលទី២ នៃការស៊ើបអង្កេតរកប្រភពកូវិដ១៩។
ចិនបានលើកឡើងថា វីរុសកូវីដ១៩ គឺជាសត្រូវរួមរបស់មនុស្សជាតិ ហើយការស្វែងរកប្រភពវីរុសនេះ គឺជាបញ្ហាវិទ្យាសាស្រ្តដ៏ស្មុគ្រស្មាញនិងសំខាន់ ដែលត្រូវការឱ្យមានកិច្ចសហប្រតិបត្តិការនៃអ្នកវិទ្យាសាស្រ្តទាំងអស់នៅលើពិភពលោក ព្រមទាំងកិច្ចប្រឹងប្រែងរួមគ្នា និងកិច្ចសហប្រតិបត្តិការនៃរដ្ឋាភិបាល និងប្រជាជនគ្រប់ប្រទេសទាំងអស់។
អ្នកនាំពាក្យបានសង្កត់ធ្ងន់ថា ប្រទេសដទៃបានប្រើប្រាស់បញ្ហាប្រភពកូវីដ១៩ ជារឿងនយោបាយ ហើយនឹងបង្កឱ្យមានភាពមិនពេញចិត្តខ្លាំង និងការប្រឆាំងពីសហគមន៍អន្តរជាតិ។ ចិនតែងតែចូលរួមក្នុងកិច្ចសហប្រតិបត្តិការរកប្រភពកូវីដជាអន្តរជាតិ ជាមួយឥរិយាបថបើកចំហរ។
គួរដឹងថា ជិត៦០ប្រទេស បានផ្ញើលិខិតទៅកាន់អង្គការ WHO ដោយបង្ហាញការយល់ស្របជាមួយនឹងលទ្ធផលនៃការស្រាវជ្រាវរកប្រភពកូវីដ១៩ ដំណាក់កាលទី១ និងប្រឆាំងការប៉ុនប៉ងការសិក្សាប្រភពកូវីដ១៩ ក្នុងន័យនយោបាយ៕