គណៈកម្មការកម្មវិធី X Factor លោក Simon Cowell រងគ្រោះធ្លាក់ពីលើជណ្តើរ
- 2017-10-29 02:48:02
- ចំនួនមតិ 0 | ចំនួនចែករំលែក 0
គណៈកម្មការកម្មវិធី X Factor លោក Simon Cowell រងគ្រោះធ្លាក់ពីលើជណ្តើរ
ចន្លោះមិនឃើញ
លោក Simon Cowell វ័យ៥៨ឆ្នាំ ដែលជាគណៈកម្មការ១រូប ក្នុងកម្មវិធី X Factor របស់ប្រទេសអង់គ្លេស បានធ្លាក់ពីលើជណ្តើរនៅផ្ទះរបស់លោកក្នុងក្រុងឡុងដ៍ កាលពីថ្ងៃទី២៧ខែតុលាកន្លងទៅ ហើយត្រូវបានបញ្ជូនទៅមន្ទីរពេទ្យភ្លាមៗផងដែរ។
ប្រភពម្នាក់ដែលជិតស្និទ្ធនឹងលោក Simon Cowell អះអាងថា លោកបានភ្ញាក់ពីដំណេកទាំងអារម្មណ៍មិនស្រួល ហើយបានវិលមុខ ពេលចុះជណ្តើរ ទើបធ្វើឲ្យលោករងគ្រោះដូច្នេះ។ លោកត្រូវបានគេដឹងថា មានជំងឺបេះដូងផងដែរ។ ប្រភពបន្តថា លោកទទួលរងការឈឺចាប់នៅត្រង់ក ហើយគ្រូពេទ្យ បានណែនាំឲ្យលោកសម្រាករហូតដល់សប្តាហ៍ក្រោយ និងបានព្រមានថា លោកនឹងអាចធ្លាក់ពីលើជណ្តើរម្តងទៀត។
លោក Simon Cowell ក្រោយជួបហេតុការណ៍នេះ បានអវត្តមានក្នុងកម្មវិធី X Factor កាលពីថ្ងៃទី២៨តុលា។ ពិធីករកម្មវិធី និយាយថា លោកបានវិលត្រឡប់ទៅផ្ទះវិញហើយ ដោយស្ថានភាពលោកបានល្អប្រសើរ និងកំពុងទស្សនាកម្មវិធីនេះផងដែរ៕