សម្តេច ហ៊ុន សែន សម្រេចដកលោក ញឹម វណ្ណដា ចេញពីតំណែងទេសរដ្ឋមន្រ្តី
- 2019-06-24 07:12:21
- ចំនួនមតិ 0 | ចំនួនចែករំលែក 0
សម្តេច ហ៊ុន សែន សម្រេចដកលោក ញឹម វណ្ណដា ចេញពីតំណែងទេសរដ្ឋមន្រ្តី
ចន្លោះមិនឃើញ
សម្តេចនាយករដ្ឋមន្រ្តី ហ៊ុន សែន បានសម្រេចដកលោក ញឹម វណ្ណដា ចេញពីតំណែងទេសរដ្ឋមន្រ្តី និងជាអនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្តរាយ ដោយមូលហេតុខ្វះការទទួលខុសត្រូវ និងភូតភរ។ នេះបើតាមការបង្ហោះនៅលើទំព័រហ្វេសប៊ុកសម្តេច ហ៊ុន សែន នៅថ្ងៃទី២៤ ខែមិថុនា ឆ្នាំ២០១៩។
ការសម្រេចចិត្តនេះ ធ្វើឡើងស្របពេលដែលសម្តេច ហ៊ុន សែន បានយល់ព្រមឱ្យលោក យន្ត មីន អភិបាលខេត្តព្រះសីហនុ លាលែងចេញពីតំណងតាមការស្នើសុំរបស់លោក ហើយគ្រោងដាក់លោក គួច ចំរើន ពីអភិបាលខេត្តកំពង់ចាម មកធ្វើជាអភិបាលខេត្តព្រះសីហនុជំនួសវិញ ក្រោយមានហេតុការណ៍បាក់រលំអគារនៅក្នុងខេត្តឆ្នេរសមុទ្រមួយនេះ កាលពីថ្ងៃសៅរ៍កន្លងទៅ៕