សហព័ន្ធកីឡាតេក្វាន់ដូ ITF ថវិកាខ្ទង់ជាង ២ម៉ឺនដុល្លារទៅចូលរួមនៅឥណ្ឌាបានគ្រប់ហើយ

2024-03-27 07:54:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានសហព័ន្ធតេក្វាន់ដូ ITF កម្ពុជា បង្ហើបប្រាប់ថាថវិកាដែលសហព័ន្ធបារម្ភ និងស្វែងរកដើម្បីបញ្ជូនកីឡាករ កីឡាការិនីទៅប្រកួតនៅឥណ្ឌាគឺរកបានគ្រប់ចំនួនហើយ។

ឯកឧត្ដម កែវ រ៉េមី

ឯកឧត្ដម កែវ រ៉េមី ប្រធានសហព័ន្ធតេក្វាន់ដូ ITF លើកឡើងក្នុងថ្ងៃមហាសន្និបាតបញ្ចប់អាណត្តិទី៦ កាលពីថ្ងៃទី២៤ មីនា ២០២៤ ឥលូវនេះថវិកាដែលត្រូវប្រើប្រាស់សម្រាប់ចេញទៅប្រកួតជ្រើសរើសជើងឯកអាស៊ី នៅឥណ្ឌា អំឡុងខែសីហា ខាងមុខមានគ្រប់គ្រាន់ហើយ។

ថវិកាទាំងនោះគឺបានពីឧត្ដម ផាន់ វណ្ណរ័ត្ន អនុប្រធានទី១ និងឧកញ៉ា សប្បុបុរសជនមួយចំនួនទៀត។ ហេតុនេះកីឡាករ កីឡាការិនី គិតតែខំប្រឹងហ្វឹកហាត់ឲ្យបានល្អដើម្បីយកជ័យជម្នះជូនកម្ពុជានៅខែសីហាខាងមុខ។

ទិដ្ឋភាពមហាសន្និបាត

សហព័ន្ធតេក្វាន់ដូ ITF បានធ្វើមហាសន្និបាតបញ្ចប់ទី៦ របស់ខ្លួននៅ NOCC កាលពីថ្ងៃទី២៤ មីនា ២០២៤។ សហព័ន្ធមានគម្រោងនឹងបញ្ជូនកីឡាករ កីឡាការិនីទៅប្រកួតកម្មវិធីជើងឯកអាស៊ី នៅឥណ្ឌា អំឡុងខែសីហា៕