អាជ្ញាធរព្រមានពីការខ្វះទឹក អាហារ សាំង និងសេវាទូរសព្ទ ចំពោះអ្នកសម្រុកចូល Area 51
- 2019-09-02 03:13:09
- ចំនួនមតិ 0 | ចំនួនចែករំលែក 0
អាជ្ញាធរព្រមានពីការខ្វះទឹក អាហារ សាំង និងសេវាទូរសព្ទ ចំពោះអ្នកសម្រុកចូល Area 51
ចន្លោះមិនឃើញ
លោក Jon koenig ប្រធានគណៈកម្មការក្រុង Nye នៃរដ្ឋ Nevada សហរដ្ឋអាមេរិក បានព្រមានដល់អ្នកចូលរួមក្នុងព្រឹត្តិការណ៍ «Storm Area 51» ថា នៅតំបន់នោះ សេវាទូរសព្ទនឹងរអាក់រអួល គ្មានអាហារ ហើយក៏គ្មានទឹក ឬទឹកកក ពីព្រោះអ្វីៗត្រូវបានលក់អស់ និងគ្មានសាំងសល់តាមការ៉ាស់ទៀតដែរ។
សូមជម្រាបថា ព្រឹត្តិការណ៍ចូលទៅកាន់តំបន់៥១ ឬ Storm Area 51 គ្រោងនឹងធ្វើឡើងនៅម៉ោង ៣ព្រឹកទាបភ្លឺថ្ងៃទី២០ ខែកញ្ញា ឆ្នាំ២០១៩។
យ៉ាងណាមិញ ចំពោះគម្រោងនេះ ត្រូវបានអ្នកនាំពាក្យកងទ័ពអាកាសអាមេរិកព្រមានថា នឹងចាត់វិធានការទប់ស្កាត់មិនឱ្យពួកគេចូលតំបន់សម្ងាត់នេះបានឡើយ។ «ការប៉ុនប៉ងណាមួយ ចូលតំបន់ហ្វឹកហ្វឺនយោធាដោយខុសច្បាប់ គឺជាគ្រោះថ្នាក់»។
តំបន់៥១ ត្រូវបានគេជឿជាក់ថា ជាកន្លែងផ្ទុកឯកសារដែលផ្តល់នូវភស្តុតាងពីមនុស្សក្រៅភព។ មូលដ្ឋាននេះ ត្រូវបានប្រើប្រាស់ដោយកងទ័ពអាកាសអាមេរិក ក្នុងនោះក៏ធ្លាប់ត្រូវគេរាយការណ៍ថា យន្តហោះទម្លាក់គ្រាប់បែក B-2 បានធ្វើតេស្តនៅតំបន់នេះផងដែរ៕
ចុចអាន៖ បែកធ្លាយរូបភាពទាហានអាមេរិក ស្វែងយល់ពីរបៀបរត់គេចរបស់ក្រុមអ្នកសម្រុកចូល Area 51